炙・日本鐵板燒 (已結業)

喺香港一般好少食日式鐵板燒，因為實在太貴，而質素值得嗰個價錢嘅我個人覺得唔多。朋友介紹呢一間日式鐵板燒俾我，咁我就去試吓啦。當日嘅菜單如下：印尼花龍蝦匈牙利鵝肝安格斯肥牛薄燒A5 日本 頂級牛蒸蛋蟹肉沙律炒日本什菜肥牛炒飯日式甜品龍蝦湯鐵板燒師傅喺我面前逐度逐度菜式咁預備，先唔講食物味道，淨係表演都已經加咗分。菜式咁多我唔逐樣點評，值得推介嘅就係兩個牛肉，唔同嘅肉質同做法，但係同樣燒得啱啱好，令人食指大動。龍蝦肉質亦都非常彈牙。最特別嘅係，鐵板燒師傅忽發其想，燒咗個焦糖麵包甜品俾我哋，甜味同脆口都係我未食過嘅嘢。菜式味道甚佳，只可惜我食完咁多道菜其實係唔飽嘅，所以性價比好一般。