炙・日本鐵板燒 (已結業)

朋友推介嘅，話性價比極高，師傅仲會定期轉唔同材料，唔使驚食完又食會厭。我哋一行四人去試咗，果然名不虛傳！晚餐套餐包括原隻澳洲龍蝦、鐵板南非鮑魚、法式鵝肝多士配焦糖蘋果、芝士海膽醬焗廣島蠔、北海道A5和牛、特色炒飯、炒野菜、麵豉湯，最後仲有師傅額外加送嘅焦糖麵包做甜品。用料非常新鮮，師傅烹飪時動作俐落，有氣勢。每款菜式師傅都會講解下用料同建議食法，有得食，又有得睇，絕對感受到師傅嘅功架同用心。原隻澳洲龍蝦肉質鮮甜，彈牙爽口。鐵板南非鮑魚口感爽脆，鮮味十足。法式鵝肝多士配焦糖蘋果鵝肝入口即溶，配上焦糖蘋果，酸甜可口。芝士海膽醬焗廣島蠔蠔肉肥美，配上芝士海膽醬，香濃惹味。北海道A5和牛肉質細嫩，入口即化。特色炒飯粒粒分明，鑊氣十足。炒野菜清脆爽口，味道清新。麵豉湯味道濃郁，暖胃又暖心。焦糖麵包外脆內軟，香甜可口。

之前見到有咁多好評, 又係大坑這個美食雲集的地區, 相信一定沒有失望. 於是訂咗枱今晚同太太食生日晚飯, 去到先知沒有開鋪, 事前又沒有通知不開鋪. 這樣沒交帶的食店太過份了.

因為Eatigo有優惠,所以揀咗呢到同老公慶祝生日！呢度嘅鐵板燒係可以用隱世家庭式鐵板燒來形容。傑師傅一腳踢，要買餸，煮鐵板燒，同埋洗碗，但係都可以從容不迫咁整到好味嘅鐵板燒比客人吃，仲可以不時同客人溝通 👍傑師傅話呢度係佢2022年12月先接手，所以餐牌仲未完善，我有同佢講下次加埋甜品就Perfect ！咁樣客人慶祝生日嘅時候都可以簡單擺蠟燭，影相呀嘛☺️𠎀師傅仲話之前做過田舍家，唔怪得知鐵板燒咁有水準！仲可以六個人每人嗌一個餐就可以包場添👍👍👍想食嘅就快啲訂位啦，因為好似越來越多人知道呢間隱世餐廳。好似最多只係坐到10個人😋

搵到呢間係大坑嘅鐵板燒朋友推介過，話性價比極高師傅仲會定期轉唔同材料唔使驚食完又食會厭果晚餐單包括原隻澳洲龍蝦鉄板南非鮑魚法式鵝肝多士配焦糖蘋果芝士海膽醬焗廣島蠔北海道A5和牛特色炒飯炒野菜麵豉湯最後仲有師傅額外加送嘅焦糖麵包做甜品用料新鮮，煮果時又有氣勢每一款菜式師傅都會講解下用料同建議食法有得食，又有得睇，絕對感受到師傅嘅功架同用心絕對會返嚟再食！適合朋友聚會同埋一家大細嘅飯局，又或者係紀念日！

朋友之前食過，讚性價比好高，日式鐵板燒可以幾百蚊落樓，約我一齊食😋環境就係好似家庭式私人料理，沒有豪華裝修，沒有無敵海景。因為得廚師一個人，所以有一種日式老店嘅味道，沒有太多商業嘅原素，反而充滿親切感今晚嘅海鮮全部都好新鮮，有龍蝦🦞、鮑魚、蠔🦪和牛🥩鵝肝, 炒飯、炒菜同埋龍蝦湯龍蝦仲新鮮到彈起😎，廚師話每日選擇新鮮海鮮，隱藏食譜仲有銀鱈魚，帶子同🦀️蟹今日同枱有人生日，廚師特別為佢用蛋整咗個happy birthday 生日快樂🎂全晚食得好開心🥰值得推介餐廳必須要預先訂坐，確保食材新鮮。食嘅途中不停有人Walk in但都被廚師拒絕咗食飯記住訂位先啦

師傅專業，食物新鮮，龍蝦🦞活生生的，價錢合理鵝肝好味，燒酒好飲，好醇！環境一般，如果三五知己可以包場，一齊傾計，飲下酒會好開心，好好味⋯⋯🎉🎉🎉🎉😋😋😋😋整體好好味

在這個彈丸之地，鐵板燒餐廳在工業區商業區住宅區旅遊區都隨時搵到，但對鐵板燒做到富豪的家中特約廚師，香港的不會多於兩人，其中一個當然不會是我，一人的小店，你還可以不跟菜單他一樣可以跟你煮，查實就是一個鐵板燒廚師發板。不要強求很官式的招待，但就是很自然的接待，食物跳動同時你也會食指大動。食物的性價比是絕對高的，收費是合理、沉醉在鐵板燒的小店氣氛中，沒有太拘謹的感覺。廚師手藝純熟，偶爾展示一下拋接技術，食材龍蝦鮑魚鵝肝標準菜餚，如果炒飯能夠再乾身一點就更好。總之由頭帶到落尾都不會讓你失望，一言難盡。

喺香港一般好少食日式鐵板燒，因為實在太貴，而質素值得嗰個價錢嘅我個人覺得唔多。朋友介紹呢一間日式鐵板燒俾我，咁我就去試吓啦。當日嘅菜單如下：印尼花龍蝦匈牙利鵝肝安格斯肥牛薄燒A5 日本 頂級牛蒸蛋蟹肉沙律炒日本什菜肥牛炒飯日式甜品龍蝦湯鐵板燒師傅喺我面前逐度逐度菜式咁預備，先唔講食物味道，淨係表演都已經加咗分。菜式咁多我唔逐樣點評，值得推介嘅就係兩個牛肉，唔同嘅肉質同做法，但係同樣燒得啱啱好，令人食指大動。龍蝦肉質亦都非常彈牙。最特別嘅係，鐵板燒師傅忽發其想，燒咗個焦糖麵包甜品俾我哋，甜味同脆口都係我未食過嘅嘢。菜式味道甚佳，只可惜我食完咁多道菜其實係唔飽嘅，所以性價比好一般。

🥳🥳之前生日，包左一次夜晚場🥳🥳由於店舖比較細，如果一家大細黎食（8-9個人）基本上就滿座😂😂小資女覺得少貴啦，一共洗左7000-8000左右不過有人俾錢就唔緊要啦😛😛但係食落真係好好味、值得食一次同埋一路食，一路望住廚師整野食係好治癒嘅👨‍🍳個日食左🍽：沙拉，龍蝦，法國鵝肝多士，日本宮崎A4和牛，鰻魚，海鮮湯，炒飯，甜品係砂糖多士（簡單但真係好味嘅）明顯師傅嘅入左行好耐，無論係食物全部煮到啱啱好，如果你同佢傾多啲計，佢直程會煮到啱你口味。龍蝦係新鮮，所以入口係彈口，法國鵝肝外面係煎到脆口，入面就溶溶地，麵包吸埋啲鵝肝汁簡直係一試難忘！😍😋A4和牛係入口即融，送埋紅酒仲正！😋😍我本身唔好鰻魚，但都覺得佢整得好滑。🥰海鮮湯，完全係犯規，落好多唔同種類嘅海鮮，唔甜真係假啦😍炒飯我覺得正常，不過我胃口偏少就食唔曬。砂糖多士，好簡單嘅一款甜品，但食落甜度啱啱好，麵包又脆所以幾好味。慢食黎，同屋企人傾下計，欣賞下廚師嘅功架，唔經唔覺就食左三個幾鐘，唔經唔覺就食左咁多嘢😋😋

利申：內容無關食物質素，純粹分享此餐廳的服務體驗約一星期前，我地經另一訂檯app (eat__go)於此餐廳訂座，訂了晚上六點的半價優惠。訂座當晚我地如期抵達餐廳，但在場的唯一店員/老闆卻說佢地當晚包場（無補充其他解釋）。我地以為大家搞錯，就重申我地經網上訂座，期間並無收過任何餐廳取消訂座既通知。然後這位店員/老闆先至話幾天前已經叫左eat__go取消，但系統「神神地」，取消唔到。整個對話，店員/老闆都係態度淡淡然，無檢查電腦核實訂座資料有無出錯，亦連一句唔好意思都無。但最令我地不滿而要打呢篇評價既，係我地離開後竟然收到eat_go發出「已出席」既訊息。亦即是說店員/老闆透過系統作出更新，所以「神神地」的訂座系統突然又用到。其實無論係唔想做折扣生意，定係訂座系統真係壞左，都大可以打個電話通知客人，而唔係唔出聲、唔取消、仲要態度不佳。

揀咗「松」$188+10%，坐底即上沙律，蔬菜新鮮加上芝麻醬，開個靚胃💕 同時試咗用鐵板蒸嘅蛋，非常嫩滑👍🏻 之後就開始重點啦🥳 燒鵝肝配上多士，超肥仔嘅鵝肝油香味真係難以抗拒😭 (相中份量已經分咗一半) 另外一個跟帆立貝，超大隻❗️師傅都為我地分2份happy share🤟🏻，真係估唔到比想像中更加鮮甜😍 加小小嘅鹽調味、表面煎香，超級好食🤤師傅再用純熟嘅手法炒飯，粒粒乾身👍🏻 好香又好味，可以話係中式嘅好夠鑊氣🤣 跟餐嘅2塊牛肉薄燒都係超大塊的，卷上蔥花等配料，個人覺得三至五成熟就最好，沾上少少醬汁，帶出牛肉鮮嫩口感，一邊配埋炒飯，真係超幸福🥰然後食埋菜、飲住湯，望住師傅用鐵板整甜品。慢慢用心咁用牛油、砂糖加麵包整成焦糖多士 😯試上口發覺咁簡單嘅材料，以牛油香味加上超脆嘅焦糖面，真係可以咁好食，超好嘅結尾呢😋整體黎講全餐由頭到尾都冇得彈，約二百嘅價錢食日本野，真係可以伏到暈，呢個高質又豐富嘅午餐堅係值得一試‼️ 食完正野總會忍唔住打一大篇嘢嘻嘻🤰🏻😆 總評🔮推介去試試

難道請pm leave，當然要食餐好的午餐..聽明友講大坑開了間不錯的鐵板燒，所以特登訂座試下。..午餐有好幾個鐵板set 揀，我選了「松」$188...好精美的餐具呢～..食完沙律，就上蒸蛋及湯。蒸蛋是在鐵板上面蒸的，很滑。..之後就到最期待的牛牛同帆立貝。牛牛是兩大塊薄切的美國牛，我叫了7成熟。..牛牛卷入面有蔬菜的filling，好香牛肉味之餘又不會太油膩。..帆立貝好大塊，切1半食，啖啖肉呢。..還有炒蔬菜及炒菜，十分豐富的午餐....最後以甜品- 蜜瓜作結，好滿足呀

小店門面低調，好容易行過也不知道這裡有間鐵板燒餐廳。中午時分黎到，全店只有我一人，兩個廚師在鐵板燒前為我燒製午餐，一邊看他們表演廚藝，一邊品嚐，好有氣氛。點了松套餐，已經非常豐富，包括了沙律，蒸蛋，鵝肝多士，牛肉，飯，湯，甜品，咖啡。最愛鵝肝多士，油香鬆脆，而且所有餐具使用都好有心思，提升了食物本身。份量對於一個女生來說，十分多，所以我吃完也好飽，但不想浪費，都有清乾淨。店內座位不多，只有10個，故建議訂座，雖然地方不大，但坐得舒適。

上星期六Lunch去咗試新餐廳~入到去坐左3至5分鐘先有人俾Menu我但明明就得一個客。。。。。叫咗〈松〉$188 再有加一整個套餐都非常豐富 足料有蒸蛋 湯 主菜 炒飯 炒菜 甜品全部食物都係廚師即場鐵板燒 新鮮出爐特別係主菜 鵝肝及美國燒牛肉 配嘅醬汁都非常好好味平時唔點醬嘅我都有點到廚師之後嘅服務都好好 指示清晰同埋有問我牛肉要生啲 定熟啲 都有禮貌由於好多份量 所以食唔哂個飯建議細食嘅朋友可以叫少飯 唔好浪費！雖然少貴 但啲材料都值得嘅！