聚手工火鍋 (已結業)

同個fd 慶生，佢suggest 左呢間。去到睇到個門面幾靚，服務好好，完全唔似一般既火鍋店。但坐低一睇價錢牌就覺得中伏了。我地完全冇諗過會咁貴，十幾個人去到叫左幾round d 野食都唔係好飽。但最後埋單都成$200/person。可能呢到同我想像中既火鍋店有d 唔同檔次，下次都係食番任食個d 好了。我地叫左三個鍋，每個兩個鍋，總共六個湯底。全部都係一邊清湯底，一邊沙嗲。食得淡d 就食清湯，想食濃d 辣辣地就沙嗲鍋，兩邊一齊食，另有一番風味。呢個係牛肉片，切得薄左少少，一碟好快就食哂。因為切得夠薄，口感幾好，唔會煮到一舊，好un 口咁樣。近d 個d係豬柳片，食落唔un，仲有d 咬，又夠厚肉地，食落幾好。