炑八烘焙工作坊

營業中

休息中

上星期謙謙放學後我地近近地去左愉城的炑八親子餐廳到整 cup cake， 個名幾得意叫 “龍年賀歲紙杯蛋糕”。我同謙謙呢d 貪玩的人最喜歡出去參加烹飪班，一來唔洗自己準備材料，二來屋企唔洗買咁多煮食用具，三來就係唔洗洗碗😍😍😍識整蛋糕的都知清潔呢d 最煩🤭。導師為我地準備好材料後便立即開始，眼見導師每一part 細心地教謙謙點處理，點樣整先會令蛋糕鬆軟好味，可能見佢大過dd亦教多左d 技巧比佢， 我當事已經忍唔住同謙謙講，學識左第時可以整來送比女仔🤭🤭🤭。當謙謙整好蛋糕漿後，自己倒入賀年杯，裝好6杯後導師幫佢送入已經預熱的焗爐焗。 係焗的時候謙謙真係唔放過任何玩的機會，直沖左入去兒童室那邊同其他小朋友玩。 當焗好蛋糕後，亦已經吹一吹涼了後，我就叫佢返來自己加工，佢放哂自己鍾意的水果落去， 整體都整得幾好。謙謙見到呢到的親子班仲有其他野甜品學，已經話下次要再來了。