影片
更多
2019-02-25
3462 瀏覽
2019年2月17日。晴。尖沙咀。唔想喺情人節慶祝咁蠢豬，所以揀咗中西情人節合璧嘅呢個星期日嚟食呢間想食咗好耐嘅餐廳六公館喺海港城郵輪碼頭嗰邊，有次誤打誤撞走咗落來覺得環境同裝修都勁靚，所以好想嚟食下呢日終於有機會喇～～～從餐具就知到餐廳係主打fusion菜整套廣彩瓷碗碟，配上黑鋼匙羮同埋雲石枱面中西設計元素配搭起上來非常和諧～靠牆一邊嘅卡位設計好似包廂咁，加強私隱度用色淡雅低調，但品味高雅桂花烏龍茶，$30坐低之後，店員奉上餐牌嘅同時會問想飲嘅茶推介咗桂花烏龍茶同埋玫瑰荔枝茶同男朋友一人點咗一款桂花烏龍茶香清幽，香味唔會過濃，飲完令人非常舒服唔想飲茶嘅朋友仲有大把選擇，話明係fusion菜，餐廳仲有啲極具特色嘅cocktail啲名都好得意，有「仙氣」、「淆底」、「小鳳姐」等等可以慢慢發掘一下～～法國邊豆配雞蓯菌，$128呢道菜睇落平平無奇，但食落爽脆無比～法國邊豆第一次食，超級爽口，味道清甜擺面嘅雞蓯菌有炸過同調過味，食落有啲似XO醬嘅味道第一道菜已經帶嚟好大驚喜～拍蒜黑醋乾煸津菜，$138呢個津白加咗辣椒、拍蒜同埋黑醋一齊煮少少辣，好惹味翡翠蟶子皇，$208蟶子皇大大隻，煮得啱啱好
唔想喺情人節慶祝咁蠢豬，所以揀咗中西情人節合璧嘅呢個星期日嚟食呢間想食咗好耐嘅餐廳
六公館喺海港城郵輪碼頭嗰邊，有次誤打誤撞走咗落來覺得環境同裝修都勁靚，所以好想嚟食下
呢日終於有機會喇～～～
從餐具就知到餐廳係主打fusion菜整套廣彩瓷碗碟，配上黑鋼匙羮同埋雲石枱面
中西設計元素配搭起上來非常和諧～
靠牆一邊嘅卡位設計好似包廂咁，加強私隱度用色淡雅低調，但品味高雅
桂花烏龍茶
$30
47 瀏覽
0 讚好
0 留言
坐低之後，店員奉上餐牌嘅同時會問想飲嘅茶
推介咗桂花烏龍茶同埋玫瑰荔枝茶
同男朋友一人點咗一款
桂花烏龍茶香清幽，香味唔會過濃，飲完令人非常舒服
唔想飲茶嘅朋友仲有大把選擇，話明係fusion菜，餐廳仲有啲極具特色嘅cocktail
啲名都好得意，有「仙氣」、「淆底」、「小鳳姐」等等
可以慢慢發掘一下～～
法國邊豆配雞蓯菌
$128
51 瀏覽
0 讚好
0 留言
呢道菜睇落平平無奇，但食落爽脆無比～
法國邊豆第一次食，超級爽口，味道清甜
擺面嘅雞蓯菌有炸過同調過味，食落有啲似XO醬嘅味道
第一道菜已經帶嚟好大驚喜～
拍蒜黑醋乾煸津菜
$138
43 瀏覽
0 讚好
0 留言
呢個津白加咗辣椒、拍蒜同埋黑醋一齊煮
少少辣，好惹味
翡翠蟶子皇
$208
42 瀏覽
0 讚好
0 留言
蟶子皇大大隻，煮得啱啱好，一啲都唔會韌
彈牙爽口，鮮甜美味～
翡翠就即係翠綠嘅萵苣，顏色配搭得又真係幾靚喎！
羊肚菌蘭度炒帶子
$298
58 瀏覽
1 讚好
0 留言
羊肚菌係比較貴價嘅菌類，平時喺街好少食到
喺屋企食都通常攞嚟煲湯，未試過食炒嘅
呢個炒帶子本身就好新鮮，嫩滑鮮甜
羊肚菌又有佢獨特嘅菇香，各有特色嘅兩樣食材，擺埋一齊，又昇華咗去另一層次～
好味好味～
法國龍眼蜜煎金蠔
$228
56 瀏覽
0 讚好
0 留言
非常欣賞呢個金蠔！
不論擺盤定味道都同樣出色！
喺外層嘅蜜糖形成咗一層少少脆嘅外皮，甜滋滋，但唔會膩
金蠔鮮味無窮～～～龍眼蜜獨特嘅甜味同金蠔嘅鮮甜好夾！
係我當晚嘅最愛！
黑豚叉燒松露撈粗生麵，$248一上枱就好香嘅松露味～
黑豚叉燒又幾特別喎！
粗生麵非常彈牙～
雖然睇落好黑蚊蚊，但係味道唔算濃，份量亦啱啱好～
食完正餐當然要點返個甜品喇～
茉莉花茶味意式奶凍，$148
甜品嘅造型滿分～
出場仲彌漫住仙氣～
奶凍用咗中式嘅茶杯裝住，側邊仲有兩粒榛子泡芙，下面就有抹茶粉
好有意境～
奶凍食咗一啖就充滿驚喜！
超～級～好～味～～～～
茉莉花嘅香味同香濃嘅奶味配合得天衣無縫！
質感creamy，食完齒頰留香～
用嚟為晚餐畫上一個完美嘅句號最適合不過～
張貼
