Ricky's (裝修中)

午市招牌菜：泰式紅咖哩鴨腿飯 ($73, 凍飲+2)紅咖哩賣相有啲稀，有啲似叻沙湯。食入口先係濃濃甜味，咁就以為佢冇料到？錯啦，後勁嘅辣味慢慢滲出嚟，再之後就係椰奶香。原隻炸鴨腿香脆可口，揸上手直接咬都幾爽㗎。佢哋都有做早餐，沙嗲牛肉味道都係十分唔錯，醬汁唔會過濃，肉質亦唔會乸到好梅，抵讚。不過杯茶真係有待改進，始終都係老闆兩公婆一腳踢搞掂晒。但論味道真係赤柱區內最正常，唔多味精，而且價錢親民，佢值得更多曝光率。