Kome Kushi (已結業)

難得入一次赤柱， 竟然係一片西餐中發現左一間日式串燒店。同傳統居酒屋唔一樣，地方好大好闊落，又有特色的日本海報同霓虹燈做裝飾，成間餐廳感覺好chill。二話不說，即刻拉左朋友入去試下。Starter 先來一份Kome Kushi沙律。二人份量 ，入面有煙三文魚，薄燒牛肉同parma ham。用料充足，沙律汁亦都好開胃。兩款招牌串燒士多啤梨豚肉卷同自家製免治雞肉丸 侍應話如果怕士多啤梨酸，可以沾練奶中和下。個人覺得唔沾都好好食。免治雞肉丸好紮實，咬落唔會散開，再加上月見汁，忍唔住想encore幾串。燒白鱔，沖繩黑糖菠蘿。再點了一個充滿和風味的明太子白飯魚薄餅。皮薄餡靚，再加上粒粒明太子，口感非常好。最後用開心果味雪糕配窩夫做ending.今餐食得非常開心，staff都好友善，態度好好。下次如果再去赤柱都會再光顧。