影片
更多
2013-11-16
3406 瀏覽
11月11日光棍節!正係小妹既生日,同男朋友過左一個浪漫開心快樂既生日,小妹同男友都好喜歡周圍揾好野食,今次簡左位於赤柱既boat house,一間藍色既屋仔,一個好有特色既歐陸建築物!細心既男友一早訂好位,侍應安排左我地係2樓露台,我好滿意個位啊,對住個大海景,飲住杯白酒!!!未食先加分!第1樣我地叫左一個吞拿魚沙律,好特別,因為粒粒吞拿魚外層都有紅色既香料包住,我問過侍應,她答我係墨西哥紅木種子制成既醬.又學多樣野啦!!面頭重有好像魚子醬既野,食落有D黑醋味,食真d原黎係黑醋啫喱黎既!唔知點樣先可以整到魚子醬咁既形狀呢?唔錯唔錯,坊間小見既用心之作第2樣係叫左2個湯啦,1個係周打蜆湯,1個係蕃茄什菜湯周打蜆湯一定要試,蜆味真係好濃郁,好好飲,唔似出面果d好多都淨係求其打個忌廉湯底加d蜆肉就算什菜湯都正,仲隨湯跟左塊蕃茄多士同一小兜pesto 醬第3樣係一個西班牙辣肉腸拼盤,我都唔知呢味應該算係西班牙加意大利混合拼盤,定係算地中海拼盤,辣肉腸煎得好香口,有兩塊番茄意式多士仲有一兜十幾粒既青色同黑色油浸橄欖,總之送酒一流!第4樣終於等到我最鐘意食既三文魚來喇果然無令我失望,三文魚煎到7
11月11日光棍節!正係小妹既生日,同男朋友過左一個浪漫開心快樂既生日,小妹同男友都好喜歡周圍揾好野食,今次簡左位於赤柱既boat house,一間藍色既屋仔,一個好有特色既歐陸建築物!
細心既男友一早訂好位,侍應安排左我地係2樓露台,我好滿意個位啊,對住個大海景,飲住杯白酒!!!未食先加分!
第1樣我地叫左一個吞拿魚沙律,好特別,因為粒粒吞拿魚外層都有紅色既香料包住,我問過侍應,她答我係墨西哥紅木種子制成既醬.又學多樣野啦!!面頭重有好像魚子醬既野,食落有D黑醋味,食真d原黎係黑醋啫喱黎既!唔知點樣先可以整到魚子醬咁既形狀呢?唔錯唔錯,坊間小見既用心之作
第2樣係叫左2個湯啦,1個係周打蜆湯,1個係蕃茄什菜湯周打蜆湯一定要試,蜆味真係好濃郁,好好飲,唔似出面果d好多都淨係求其打個忌廉湯底加d蜆肉就算
什菜湯都正,仲隨湯跟左塊蕃茄多士同一小兜pesto 醬
第3樣係一個西班牙辣肉腸拼盤,我都唔知呢味應該算係西班牙加意大利混合拼盤,定係算地中海拼盤,辣肉腸煎得好香口,有兩塊番茄意式多士仲有一兜十幾粒既青色同黑色油浸橄欖,總之送酒一流!
第4樣終於等到我最鐘意食既三文魚來喇果然無令我失望,三文魚煎到7,8成左右唔會太熟岩岩好,頂頭仲放左橙同西柚.跟既薯容都好好食,我同我男友試左好耐都試唔出入面加左D乜野,淨係食到有煙肉同椰菜由於唔知餐牌寫個汁係咩所以我問侍應有無得轉龍蝦汁,佢話平時如果要額外要求龍蝦汁係要另外收費架,不過即管問下廚房主管啦,最後都轉到無另外收到錢,嘻嘻~~生日大晒
第五樣係我至愛既心太軟,上面仲寫左愛心字句,~~有朱古力,有雲哩拿雪糕,有生果仲有開心果馬格龍,好好食
另外男友叫左士多啤梨芝士乳酪杯,哇,個賣相真係好吸引!女生至愛,忍唔住係咁偷食男友果杯,入面仲有好多士多啤梨嫁,D士多啤梨又甜,D乳酪芝士唔會膩,混合好多脆脆既粒粒,個組合真係襯到絕!!!呢個係必食推介,附近食客見到個賣相都忍唔住要嗌番個黎試下!!!仲跟個青檸雪芭,食後可以中和味道..讚
張貼
