Ricky's (裝修中)

6/11/2021 星期六，天氣好靚，心情特別正，開開心心到赤柱，行過大街店舖，見到有一條斜路，行上去睇下，發現係另一小天地。竟然有一間泰國菜小店，環境寧靜，店內簡單整潔，老闆娘友善招呼，使人感覺舒服。食泰國菜，飲品梗係要 椰青啦，真係夠清甜，解渴！跟著係雜錦小食拼盤，脆口，炸雞翼，肉質外脆內嫩，如果拼盤有生菜墊底，會更佳。泰式豬頸肉，大廚用蜜糖烹調，肉身夠冧，一片片，好咬口，好食。泰式炒通菜（走辣），由於我只可以食少少辣，所以大廚特別烹製，走辣，通菜新鮮。泰式菠蘿炒飯，粒粒炒飯，正呀！一頓美味午餐，帶給我哋美麗的星期六。喺赤柱唔一定食pizza飲啤酒，這間特色隠世泰國菜小店，值得推介。