The Boathouse (已結業)

閒日放假搵個人煙少d既地方食個brunch都咪話唔寫意。3點黎到赤柱,由廣場果邊行落黎未見有餐廳吸引,行到盡頭見到有間黃色小屋好搶眼。都係俾佢個bar枱位令我停低腳步。可以望住個海又望到碼頭同美利樓係好梳乎既一件事黎既😌見到Lunch Special 好似唔錯,waiter話仲有我就唔想再行去揀餐廳了。下層無人,bar枱位沙發位任坐。揀左02 Grilled Salmon Tortilla Wrap黎到呢度都打算食景算數😂點知d野食又ok喎墨西哥辣醬配個三文魚辣辣地幾惹味！其餘有青瓜紅夢卜蕃茄,鐘意食菜既我表示多多都唔怕。薯條就正常野。都係果句,黎呢度食個景都夠😂坐坐下就一個下晝。行開行埋都好多人影相,坐係呢個位隨時變model🤐整體而言,野食加景觀入赤柱既朋友可以一試。