板長壽司 (已結業)

連鎖壽司店來講我比較鐘意去板長，貪佢久不久有新款式，除左壽司刺身之外仲多其他小食。好過另外一間餐牌十年不變，兼越做越少；就算改玩火車送餐都仍然係果D款式，見到都悶。今天去板長，試左個赤酢壽司併盤， 約 $160 有9 件，當中不乏貴價貨例如呑拿魚或海膽等。個人感覺赤酢壽司其實同普通壽司差唔多，分別不大。但係用料新鮮好味OK 㗎！除此之外我仲叫咗 promote 緊嘅螢光魷魚仔壽司，味道冇乜特別啫！反而仲驚驚地啲膽固醇過高添！最後叫咗個雞泡魚干，得個甜字，唔好味，同日本嗰啲冇得比。註 ： 板長做會員有積分可以儲，每次可以當錢使都幾好。