Asiri

營業中

休息中

今日午餐同事介紹食日本北海道野，印像中北海道都係食刺身，拉麵，味噌同湯咖哩出名，今日就一於會一會呢間北海道野，睇下佢到底正唔正宗。一入鋪發現老闆原來係日本人，夫妻檔經營一間日本料理店，嗰種日本小店嘅感覺滲曬出嚟。我點咗一客帶廣燒豚肉丼， 帶廣呢達地方我就未去過，但呢個飯嘅燒汁，同肉味配搭得天衣無縫，飯與肉之間隔著一層生野菜，完美咁消去咗肉嘅油膩感。唯一要批評嘅地方 就係豚肉燒得比較老，所以咬口比較硬，食飽個丼飯，再飲一碗麵豉湯，即刻元氣大增。價錢大概一百蚊一個人，商業區午餐嘅價錢，算係正路。