Iberians (已結業)

冇咗風假，好彩返工後仲有美食。走入Iberians 食西班牙菜。第一時間就上咗我最鍾意嘅 — 酒！Sangria white🥂西班牙菜少不了Tapas。西班牙吐司一客四件，有蕃茄沙沙、橄欖醬、蝦配大啡菇、帕德龍辣椒配意式肉腸。當中最鐘意蝦配大啡菇，大啡菇好juicy。另一Tapas 係阿爸最愛海鮮煎餅。煎餅煎得好香脆，一啲都唔油膩。每啖都有海鮮，好足料，有蝦、魷魚等等。周打魚湯好creamy，食飯之前暖一暖胃。肉類點咗燉安格斯牛小排，牛排燉到好淋，好入味。薯蓉超好味，勁滑，配埋牛肉燉汁好惹味。食西班牙菜當然要叫西班牙海鮮炒飯！以蕃茄醬做base，配合各種各樣嘅海鮮，例如青口、蜆肉、魷魚、大蝦，令炒飯既有淡淡蕃茄酸味亦有海鮮味。炒飯底有青豆、橄欖、蕃茄仔，增加風味同口感。叫多一客海鮮tapas，白酒煮藍青口。平時焦糖燉蛋就食得多，今次就食加泰羅尼亞焦糖奶凍。外觀兩者差唔多，味道上都幾唔同。焦糖奶凍表面同樣有層薄薄嘅焦糖，但佢係完全凍嘅。奶凍部份比較結實。味道上有少少果香、橙皮味，比焦糖燉蛋冇咁甜。