影片
更多
2016-05-24
1057 瀏覽
一直見OPENRICE 咁多好評諗住去食生日飯慶祝點知食到成肚氣其實野食真係麻麻地, 刺身其實都OKAY 既, 三文魚油感比較重希靈魚都幾鮮，仲有虎蝦都幾好食, 日本赤蝦都幾大條，唔錯既佢仲有個特色可以自己整沙律, 仲有泰式鳳爪辣得幾爽，不過麻醬木耳明明有汁，但係就咩味都無出面仲有薑蔥蟹由拎，不過就得個殼有味，入面完全無味。仲有水蟹粥，個粥都唔錯，不過D 蟹入面D肉就係霉既, 完全唔得。冬陰功好一般，草菇都無粒，蝦是急凍的，椰奶味太重，我不是來飲椰奶的。蟹皇翅個BASE 完全係芡水，杰撻撻又無味黎左第一轉之後就嚴重甩單，交完紙之後好多野都無黎過，唯有再叫過啦, 都係繼續等，等左好耐之後就2碟一齊黎，七味雞軟骨係無味既, 叫左3次泰式青口，但係只黎左一次，但係個泰式汁都惹味，但係想叫都無黎，再入單都無再黎。叫左燒羊架同燒帶子，同經理講先上得個帶子，仲要係暖既燒多春魚又係凍既一直都叫左個燒三文魚，寫過幾次都無黎，過埋Last Order 之後先黎，差唔多走先到，點食得落呢大佬﹖你唔好等我出左門口先黎﹖出面有D蛋糕仔甜品完全唔得，隻藍莓蛋糕乾身到咬都咬唔開，TIRAMISU 咖啡粉味太重，苦
諗住去食生日飯慶祝
點知食到成肚氣
其實野食真係麻麻地,
刺身其實都OKAY 既,
三文魚油感比較重
希靈魚都幾鮮，仲有虎蝦都幾好食,
日本赤蝦都幾大條，唔錯既
日本赤蝦
43 瀏覽
0 讚好
0 留言
佢仲有個特色可以自己整沙律, 仲有泰式鳳爪辣得幾爽，不過麻醬木耳明明有汁，但係就咩味都無
出面仲有薑蔥蟹由拎，不過就得個殼有味，入面完全無味。
仲有水蟹粥，個粥都唔錯，不過D 蟹入面D肉就係霉既, 完全唔得。
冬陰功好一般，草菇都無粒，蝦是急凍的，椰奶味太重，我不是來飲椰奶的。蟹皇翅個BASE 完全係芡水，杰撻撻又無味
黎左第一轉之後就嚴重甩單，
交完紙之後好多野都無黎過，
唯有再叫過啦, 都係繼續等，
等左好耐之後就2碟一齊黎，
七味雞軟骨係無味既,
叫左3次泰式青口，但係只黎左一次，但係個泰式汁都惹味，但係想叫都無黎，再入單都無再黎。
叫左燒羊架同燒帶子，同經理講先上得個帶子，仲要係暖既
燒多春魚又係凍既
一直都叫左個燒三文魚，寫過幾次都無黎，過埋Last Order 之後先黎，差唔多走先到，
點食得落呢大佬﹖你唔好等我出左門口先黎﹖
出面有D蛋糕仔甜品完全唔得，
隻藍莓蛋糕乾身到咬都咬唔開，TIRAMISU 咖啡粉味太重，苦左。
其實泰式既都接受到，OKAY 既, 但係日式野就真係唔太得。好難接受。
我已經星期一黎食，都已經甩單甩到咁
最好笑係個待應姐姐每張檯黎問要唔要燒雞翼，之前有人叫多左依家唔要，
原來唔只我地甩單，其他人都係咁
仲洗星期六日黎食?
張貼
