影片
更多
2019-07-05
1845 瀏覽
觀塘嘅工廈真係一個寶藏地方，近日又比我搵到一間環境、食物同服務都滿分嘅餐廳。I’s Land Cafe 一間充童話故事感覺嘅餐廳，一行入去就比花花草草包圍，入左一個綠色世界嘅感覺，好仙境好舒服，仲有一面佈滿花嘅特色牆，每一個位置都可以影相呃like，而且餐廳面積夠大，每枱之間空間大，講野唔洗擔心比隔離枱聽到。睇番個menu有散叫前菜、主菜、有set、甜品每一款都好吸引，而drink menu更加有三頁。最後我地叫左個二人set dinner都係$398，每人$200有找，咩都有好夠飽又抵食。餐湯係羅宋湯，材料非常多，溫度適中，有少少酸味，配上蒜蓉包，開胃。沙律係野茄燕麥雜菜沙律，加左黑醋，仲有火龍果同菠蘿，好清新，燕麥食落個口感好特別。小食我地揀左香脆美國粗薯條，炸每條金黃色，外脆內軟，咬落熱辣辣，好有有罪惡感但好好食，兩種醬兩種口味無咁單調。主食我地揀左有手指公推介嘅蜜糖香草燒春雞，原隻去頭去尾咁上枱，燒到個皮好脆好香，一切開feel到啲香味溢出泥，同埋真係岩岩燒好就拎出泥，熱到出煙，雞肉好嫩滑，又有肉汁，就咁食已經好食，配上蜜糖更加惹味，隻雞真心超過二人份量，食完已經飽飽地。一樣又
I’s Land Cafe 一間充童話故事感覺嘅餐廳，一行入去就比花花草草包圍，入左一個綠色世界嘅感覺，好仙境好舒服，仲有一面佈滿花嘅特色牆，每一個位置都可以影相呃like，而且餐廳面積夠大，每枱之間空間大，講野唔洗擔心比隔離枱聽到。
睇番個menu有散叫前菜、主菜、有set、甜品每一款都好吸引，而drink menu更加有三頁。
最後我地叫左個二人set dinner都係$398，每人$200有找，咩都有好夠飽又抵食。
餐湯係羅宋湯，材料非常多，溫度適中，有少少酸味，配上蒜蓉包，開胃。
沙律係野茄燕麥雜菜沙律，加左黑醋，仲有火龍果同菠蘿，好清新，燕麥食落個口感好特別。
小食我地揀左香脆美國粗薯條，炸每條金黃色，外脆內軟，咬落熱辣辣，好有有罪惡感但好好食，兩種醬兩種口味無咁單調。
主食我地揀左有手指公推介嘅蜜糖香草燒春雞，原隻去頭去尾咁上枱，燒到個皮好脆好香，一切開feel到啲香味溢出泥，同埋真係岩岩燒好就拎出泥，熱到出煙，雞肉好嫩滑，又有肉汁，就咁食已經好食，配上蜜糖更加惹味，隻雞真心超過二人份量，食完已經飽飽地。
一樣又係揀左個有手指公推介嘅白松露忌廉手工扭繩粉，用左忌廉煮所以扭繩粉超級滑，白松露嘅味道強烈，極度吸引，另外帶子煎香左，好香，而裡耐仲係軟滑嘅肉，半生熟嘅口感。
最後以甜品焦糖燉蛋為呢餐畫上句號。
好欣賞I’s Land Cafe，除左佢環境好，食物好食之外，我非常欣賞個上菜嘅時間點，唔知係米員工真心有留意客人，我地每一道菜差唔多食完個陣，下一道菜就會送上泥，完全唔需要等，呢一個位真係值得讚。
張貼
