影片
更多
2021-12-08
47 瀏覽
周末最適合搵埋姐妹去食tea 打卡，呢間嘅tea set出哂名用黎打卡📸️📸️ 好耐以前食過一次都覺得唔錯，見佢最近出左個仙子樂園Tea Set ，一於黎食一食😁— — — — — — — — — — — — — — — — — — —呢間餐廳嘅賣點除左tea set 靚，重有令人可以令人忘憂嘅香薰，一入到店內香氣馥郁，令人感覺舒適，心情都放鬆d 。店舖裝潢以木色為主，配上少量綠蔓藤、粉白色系絲花，門口玻璃門重有一對天使翅膀，彷如置身仙境。— — — — — — — — — — — — — — — — — — —而今日嘅主角【仙子樂園】Tea Set，真係好靚，圍繞住仙子主題嘅擺盤，有天使、有羽毛，睇落好豐富，正係影相都影好耐。— — — — — — — — — — — — — — — — — — —【仙子樂園】$298/1位 （至少2位）鹹點：新豬肉牛角包🥐迷你法式三文治瑪德琳蛋糕牛角包🥐夠酥化，適量牛油香味，內有生菜包住新豬肉，食落唔覺油膩。法式三文治味道幾濃，酸酸鹹鹹，幾開胃，我幾中意食呢個，如果可以大件d 就好喇！— — — — — — — — — — — — — — — — —
— — — — — — — — — — — — — — — — — — —
呢間餐廳嘅賣點除左tea set 靚，重有令人可以令人忘憂嘅香薰，一入到店內香氣馥郁，令人感覺舒適，心情都放鬆d 。店舖裝潢以木色為主，配上少量綠蔓藤、粉白色系絲花，門口玻璃門重有一對天使翅膀，彷如置身仙境。
— — — — — — — — — — — — — — — — — — —
而今日嘅主角【仙子樂園】Tea Set，真係好靚，圍繞住仙子主題嘅擺盤，有天使、有羽毛，睇落好豐富，正係影相都影好耐。
— — — — — — — — — — — — — — — — — — —
【仙子樂園】$298/1位 （至少2位）
鹹點：
新豬肉牛角包🥐
迷你法式三文治
瑪德琳蛋糕
牛角包🥐夠酥化，適量牛油香味，內有生菜包住新豬肉，食落唔覺油膩。法式三文治味道幾濃，酸酸鹹鹹，幾開胃，我幾中意食呢個，如果可以大件d 就好喇！
— — — — — — — — — — — — — — — — — — —
甜點：
健康水果乳酪杯
法國CBD朱古力蛋糕
英式鬆餅（配玫瑰醬）
最欣賞乳酪杯，內有乾果、殼物脆脆、粟米片、燕麥……都幾豐富。第一次食加入CBD 嘅朱古力雪糕，唔算好甜，偏向似黑朱古力嘅味。鬆餅唔會過乾，外層都有少少脆，都唔錯。
— — — — — — — — — — — — — — — — — — —
雲雨香茶：
CBD有機菠蘿椰子茶
呢個茶除咗加入左CBD元素，上面重會吊住個棉花糖，打卡靚之餘，亦為熱茶添上一點甜，另一番風味。
— — — — — — — — — — — — — — — — — — —
張貼
