Casa Di Luna (已結業)

銅鑼灣出差系列， 行到駱克道見到駱克駅成座都係食店， 咁一於唔洗揾， 就由頂層開始向下食啦。Casa di Luna 座落26樓， 一望無際景色， 睇境都贏哂。 餐廳面積唔算好大， 但用太空作為主題，天花掛滿月球， 都幾有心思。是日午餐龍蝦汁意大利粉配虎蝦香煎羊架配薯蓉午餐都配餐湯同甜品龍蝦汁意大利粉配虎蝦， 好香濃嘅龍蝦汁， 意粉即炒， 熱辣辣。 虎蝦好大隻， 彈牙爽口， 蝦頭重有蝦膏添。 意大利粉爽口， 硬身， 正。 個龍蝦汁味道真係好味， 如果加個白飯重正。香煎羊架配薯蓉， 羊架煎得香口， 無騒味， 火喉剛剛好， 重帶點粉紅色， 入口嫩滑， 肥膏位甘香。甜品係堤拉米蘇， 好香濃朱古力同咖啡粉香。