御前大江戶日式料理 (已結業)

今日住係觀塘既朋友約左我出去傾計，就約左我去係Apm旁邊行一分鐘就到既御前大江戶去食放題，一試佢既磯燒任食放題。一去到就比佢帶有江戶時代裝飾既高樓底吸引左，好開揚，好舒服。而每張枱都有一個卡式爐作磯燒之用。而係點餐方面，佢用平板電腦點餐，既方便，又快捷，又準確唔會有錯漏。首先不用入單，店員來了一個磯燒海鮮併盤。蠔，鮑魚，蟹，蝦同扇貝等既貴價食材一次過送上。每一樣都好新鮮味美，佢地仲準備左張紙仔介紹每種食材需要燒幾耐同點樣燒法，十分之細心，唔夠仲可追加部分配料，讚好。之後我出左去自助bar拎野飲，各種飲品，小食，湯品同甜品一應俱全，隨意任拎，推介。點菜方面，點了個刺身併盤，推介鮑片彈牙有鮮味，而三文魚方面則肥瘦剛剛好，也是一個不錯的選擇。其他菜式方面，印象最深制的是熊本一口牛同雞軟骨。一口牛入口即溶，有牛味，正! 而雞軟骨硬度剛好，食到雞既鮮味。如果想又食磯燒，又食刺身，又想樣樣食少少，這𥚃真的是不錯的選擇！