米亭 (已結業)

深水埗有好多又平又好食嘅餐廳，今晚就約個朋友過去食晚飯。行到福榮街比間以黃色為主調嘅米亭餐廳吸引到，燈光明亮，餐牌有幾種套餐，有飯有麵，價錢好抵又啱食，今晚一於就揀呢間食。入座後用環保餐單選擇食物，交給店員落單。韭菜黑豚肉餃配上海麵，餃子全部是自家包製，隻隻餡料飽滿，用的豬肉是本地黑毛豬，特別有豬肉香甜味，餡料中的韭菜味頗濃。湯底有數款選擇，今次就叫咗豆乳豚骨湯試吓，店員介紹話係用咗好多新鮮豬骨、豬肉、豆乳等熬煮10幾個鐘煲出嚟，飲落真係啖啖都係精華，鮮味十足。還送凍豆漿或用優惠價轉其他飲品。金蛋煎肉餅飯：肉餅煎至金黃色，外面有香脆口感，肉質鮮嫩彈牙，加咗蟹子增加口感，金蛋邊香脆，蛋黃流心，伴飯一流，白飯選用珍珠米，米顆粒飽滿，色澤潔白，口感一流！金絲蜜椒雞翼：即炸雞翼熱辣辣，外脆肉嫩，更有甜甜的蜜味！秘製脆汁豬扒：金黃色嘅豬扒炸得香脆，點埋沙律醬食更佳！