影片
更多
2017-10-14
6829 瀏覽
呢度基本上係酒樓格局, 地方又夠大, 晚市主要係雞煲打邊爐, 只係$168/位, 包點心拼盤、雞煲、火鍋拼盤、三十幾款火鍋料、汽水、清涼飲品, 當你一選好邊款雞煲, 點心拼盤會好快送上, 而當你食完個雞煲之後, 叫佢加返湯(水), 就會跟住上火鍋拼盤, 你要將個拼盤食得七七八八先好叫其他火鍋料, 我記得仲要追問伙計拎紙仔剔火鍋料~汽水、清涼飲品同醬油係自助形式, 要自己去拎, 但真係好多選擇, 除咗一般果d汽水外, 仲有韓國飲品, 而清涼飲品係鴻福堂果d膠樽裝, 絕對係多選擇, 不過我地食果陣仲算係新開, 未拎到酒牌, 但客人可以自己帶酒精飲品入嚟, 佢無任歡迎~ 至於醬油, 都係果d辣椒、蒜茸、蔥、芫茜果類~雞煲有5款口味, 分別係甜、酸、苦、辣、奇, 我地逐樣問每個味係d咩? 阿姐都好耐心答, 可能部長見阿姐比我地問咗咁耐, 驚佢唔識答比d客咋型, 主動走埋嚟一齊答, 最終選擇咗我地認為最正常的酸味, 而呢個酸味主要係味菜去煮~等咗都好似幾分鐘左右, 應該唔駛十分鐘, 一煲熱辣辣的酸味雞煲上枱, 仲可以選擇加唔加酒落去一齊炒, 咁唔駛額外加錢, 梗係加埋酒啦~ 會香好多, 阿姐一路
汽水、清涼飲品同醬油係自助形式, 要自己去拎, 但真係好多選擇, 除咗一般果d汽水外, 仲有韓國飲品, 而清涼飲品係鴻福堂果d膠樽裝, 絕對係多選擇, 不過我地食果陣仲算係新開, 未拎到酒牌, 但客人可以自己帶酒精飲品入嚟, 佢無任歡迎~ 至於醬油, 都係果d辣椒、蒜茸、蔥、芫茜果類~
雞煲有5款口味, 分別係甜、酸、苦、辣、奇, 我地逐樣問每個味係d咩? 阿姐都好耐心答, 可能部長見阿姐比我地問咗咁耐, 驚佢唔識答比d客咋型, 主動走埋嚟一齊答, 最終選擇咗我地認為最正常的酸味, 而呢個酸味主要係味菜去煮~
等咗都好似幾分鐘左右, 應該唔駛十分鐘, 一煲熱辣辣的酸味雞煲上枱, 仲可以選擇加唔加酒落去一齊炒, 咁唔駛額外加錢, 梗係加埋酒啦~ 會香好多, 阿姐一路炒, d香味一路走出嚟, 因為仲有d洋蔥、辣椒之類~
應該都有成只雞, 好鬼死多肉, 不過好彩唔係好肥, 趁佢熱辣辣食仲正, 所以一路食一路吹水, 唔經唔覺就差不多食哂成個雞煲, 當然唔好嘥時間, 即刻問阿姐拎火鍋紙剔火鍋料, 响d料未到之前, 拿拿聲清埋佢, 再叫阿姐加湯, 滾定d湯等食~
除咗剔自選火鍋料之外, 仲加咗兩份海鮮, 當然要另外加$48/份, 仲要係兩份起計, 其實唔係咁抵, 只係得1只扇貝、1只蠔、1只青口、3粒蜆, 呢個係1人份量, 而自選火鍋料, 都係一般果d丸類、肉片、什菜之類, 都算係幾新鮮乾淨, 開頭都冇漏單情況, 但來我剔咗幾次要芫茜都冇嚟, 直至諗住last order再剔, 先終於嚟, 仲比朋友笑, 話呢d芫茜梗係响出面拎醬料果度夾比我~
其實呢度又冇限時, 地方又大又新淨, 價錢又唔算貴, 一班人响度吹吹水, 確實係一個唔錯的選擇, 但遲d佢做大咗, 多人幫襯之後就唔知會有咩改變lu~
張貼
