蔡瀾越南粉 (已結業)

有一班志同道合﹑同樣為食的同事真幸福！大家肯天時暑熱排隊食lunch，皆因「蔡瀾」呢個嘜頭！ 中午12:15前到達，所以等了一會就可入店了～（入店就見到蔡瀾真身！看似很認真地巡視店舖，所以沒有打搞了……） 以點心紙形式下單，可因個人喜好，走蔥﹑走芫﹑全走都得！（順手讚讚點心紙的design，很喜歡小清新的風格～） 正值減肥的小妹豁出去，決定要「特別牛肉湯河粉」，一碗就可以試勻牛肉﹑金錢腱﹑牛筋﹑牛丸﹑牛柏葉…… 目測湯底清澈見底，但喝下便嚐到清甜中帶點牛味，九層塔和芽菜另上，可按喜好加減～河粉入口滑溜，生牛肉和金錢腱薄薄的，前者入口即融，後者味道濃郁，夠晒林～牛丸相對失色，可以再juicy一點! 同事選了「香茅豬頸肉春卷撈檬」，檬粉爽口，淋上魚露甜酸汁，十分開胃，夏日必選～撈檬份量不多，所以要叫幾個小食喇！ 「黃金蝦扒」以薄切上碟，吃得出是用了真蝦肉，入口外脆內彈牙，好好食！ 挺喜歡「米紙卷」的煙韌外皮，餡料則不過不失。 平均消費百多元，價格頗合理。