Cow Bean (黃埔天地) (已結業)

晚上8點半，見門口廣告鐵板牛排圖片非常吸引，同老公試試。坐低落單20分鐘都未有野食，向侍應查詢，發現漏單，女侍應再三致歉，明白既，繁忙時間，有錯漏正常，轉頭經理都走來致歉，並送上2件蛋糕賠償，服務算幾好啦。期待已久既牛排出場，我食紐西蘭西冷，老公食澳洲西冷，切開時rare ，切一舊入口，黑椒醬唔錯，夠香，但舊排少少韌，食第二，三塊果陣個感覺似食牛肉味香口膠，結果伴菜粟米我食哂，但塊扒有一半吐返出來，偷食老公塊扒一舊，嘩，仲韌過阿婆啲肉😂，完全咬唔到，老公呢個食肉獸都食剩半碟，真係搞唔掂。好彩最尾食埋2 舊cake 都夠飽。埋單比左張印花咭，話儲夠5個送一碟牛，我諗都係留返比有需要既人用啦！