喫茶ちょうぼ

營業中

休息中

經過幾次今日終於幫襯，結果係......位於大埔超級城嘅Choubo Kissaten外觀看起來幾靚，所以今日終於決定幫襯試試。我今日點咗嘅係價值$155嘅雞腿扒，另加$38升級有前菜及飲品。雞腿扒竟然係原隻雞髀上，味道同快餐店嘅蜜汁雞比相似，肉質就比較韌；最離譜嘅係我叫嘅係雞腿“扒”唔係雞髀，咁嘅價錢有乜理由要我自己起骨呀仲有唔知點解佢比個叉同匙羹我，連刀都冇，係咪要我用手攞住食呀。此外，乜嘢叫做前菜呀？唔係應該上主菜之前比我咩！佢地竟然係要我等到唔耐煩問佢地先至上！！！最後上嘅咖啡，個碟上面好多水啊，呢樣嘢你能夠接受嗎？我肯定將呢間嘢放入黑名單，以後唔再幫襯。