影片
更多
2020-04-18
1161 瀏覽
• Dinner Omakase•💵Price: $1790 per one🍴Food: 1/5💔-岀完哂日本啲post之後我決定要即刻岀返個警世post🆘(有少少長🤦🏻♀️)繼我上次比左成千蚊食左UO n間大伏餐廳之後，我今次真係再下一城😐比左連埋服務費成二千蚊去食一間個蒸蛋入面有頭髮既餐廳⋯⋯🤯.首先講啲食材，魚類唔多款式都唔緊要，新鮮度確係麻麻，深海池魚腩即使燒左都無乜魚脂香味，佢比既中拖羅其實都係赤身級數。煮物當中有個蒸鮑魚(圖三)，睇落都知個鮑魚可以話係淡而無味，肉質正常但無鮮味，而隔離所謂既鮑魚肝醬都好怪，食落似綠茶醬多過鮑魚肝醬😳我本身其實係衝住圖中個海膽杯而黎，點知都係失望☹️海膽質素係ok架不過隔離啲魚子認真係太鹹，再加左豉油之後就即使撈左飯都覺得好鹹⋯⋯完全享受唔到😩.再講係最重要既衛生問題，佢本身比我個茶碗蒸竟然蒸左條長頭髮係入面‼️我一開蓋係清楚見到有條頭髮露咗出黎，心諗點解佢哋可以完全發現唔到？重點係我話比師傅聽嘅時候，佢仲好似以懷疑嘅眼神去望，仲特登要撩佢出嚟，好似要證實俾我睇其實唔係頭髮咁🤷🏻♀️而呢個時候應該係個老闆娘就大嗌同佢講係頭髮黎架喇dum左佢喇快啲
💵Price: $1790 per one
🍴Food: 1/5💔
-
岀完哂日本啲post之後我決定要即刻岀返個警世post🆘(有少少長🤦🏻♀️)繼我上次比左成千蚊食左UO n間大伏餐廳之後，我今次真係再下一城😐比左連埋服務費成二千蚊去食一間個蒸蛋入面有頭髮既餐廳⋯⋯🤯
.
首先講啲食材，魚類唔多款式都唔緊要，新鮮度確係麻麻，深海池魚腩即使燒左都無乜魚脂香味，佢比既中拖羅其實都係赤身級數。煮物當中有個蒸鮑魚(圖三)，睇落都知個鮑魚可以話係淡而無味，肉質正常但無鮮味，而隔離所謂既鮑魚肝醬都好怪，食落似綠茶醬多過鮑魚肝醬😳
我本身其實係衝住圖中個海膽杯而黎，點知都係失望☹️海膽質素係ok架不過隔離啲魚子認真係太鹹，再加左豉油之後就即使撈左飯都覺得好鹹⋯⋯完全享受唔到😩
.
再講係最重要既衛生問題，佢本身比我個茶碗蒸竟然蒸左條長頭髮係入面‼️我一開蓋係清楚見到有條頭髮露咗出黎，心諗點解佢哋可以完全發現唔到？重點係我話比師傅聽嘅時候，佢仲好似以懷疑嘅眼神去望，仲特登要撩佢出嚟，好似要證實俾我睇其實唔係頭髮咁🤷🏻♀️而呢個時候應該係個老闆娘就大嗌同佢講係頭髮黎架喇dum左佢喇快啲！佢先至成碗dum左⋯⋯而個蒸蛋其實係得啲菇，乜嘢海鮮都冇，而且一樣係無乜味⋯⋯
另外我哋當晚係坐Sushi Bar望住師傅整嘢食既，我見住佢一邊用塊抹布抹枱，一邊又用返同一塊抹布去盛載啲食材真係有少少反胃🤢
.
最後想講埋既係師傅既專業度🤦🏻♀️正常我地食同一個set，啲野食都會係一齊上。但係因為我要影相有時會比較食得慢，而當我舊壽司仲係碟上面，同行朋友食完之後個師傅竟然照上下一件壽司俾佢😳跟住就搞到我好似趕住要食埋佢，等佢可以繼續上🤷🏻♀️
.
總結係比$2000一個人呢個價錢，我完全冇諗過係得到咁既Service同埋食到呢啲質素既野食！真係大伏中之大伏！同一個價錢無論係Ta-ke，Haku定Raki呢啲都係絕對高質過呢度無限倍🤦🏻♀️而我當晚出完story後都已經有其他foodie反映呢間餐廳真係好多地方好唔掂，真係完全唔明點解呢間野仲可以生存到！食完一肚氣，不過無野做到，唯有打返篇負評警惕下大家，同埋如果睇Openrice記得睇埋負評🙈
張貼
