影片
更多
2024-09-24
582 瀏覽
每次經過呢度都見到有間小店覺得好特別，今日終於約咗朋友嚟食晚餐，呢間中東小菜裝修好特別，好有異國風情，我哋7:15嚟食飯，其實已經坐滿晒，好彩室內仲有一張二人枱可以食，如果唔係就要坐室外咁就比較熱，但我覺得如果秋天或者冬天嚟食，都係另一番風味。呢度嘅餐牌係QR code scan，覺得成本菜單都用咗好多心機去整，因為每一張相都好吸引！我哋今日叫咗好多樣嘢，所有嘢都真係勁高質！三款經典蘸醬拼盤，一個係黑松露鷹嘴豆泥，另外一個就係經典鷹嘴豆黎，但我最鍾意嘅就係烤茄子蓉。有少少微澀味，加上因為烤過所以有一陣好香嘅烤味，而且有一粒粒茄子同蕃茄，所以比較有口感。 鐵板煎著名中東鹹香芝士都好好味，芝士口感屬於有少少硬度，配埋蕃茄醬汁，感覺都加咗唔少香料，所以味道好有層次感。之後呢樣嘢係我以冒險嘅心態去叫嘅：香煎法國雞乾配佐紅石榴汁，但係竟然係大驚喜地好食，可能因為有紅石榴汁，所以甜甜地，配埋雞肝個口感變咗有啲cream，完全唔會苦，olive oil更加令到成件事更加smooth。澳洲天然草飼羊肉粒串又係打卡一流嘅item，但係除咗美觀，都真係好食，羊肉好大粒，好juicy，因為炭烤過，所以特別香
呢度嘅餐牌係QR code scan，覺得成本菜單都用咗好多心機去整，因為每一張相都好吸引！我哋今日叫咗好多樣嘢，所有嘢都真係勁高質！
三款經典蘸醬拼盤，一個係黑松露鷹嘴豆泥，另外一個就係經典鷹嘴豆黎，但我最鍾意嘅就係烤茄子蓉。有少少微澀味，加上因為烤過所以有一陣好香嘅烤味，而且有一粒粒茄子同蕃茄，所以比較有口感。
鐵板煎著名中東鹹香芝士都好好味，芝士口感屬於有少少硬度，配埋蕃茄醬汁，感覺都加咗唔少香料，所以味道好有層次感。
之後呢樣嘢係我以冒險嘅心態去叫嘅：香煎法國雞乾配佐紅石榴汁，但係竟然係大驚喜地好食，可能因為有紅石榴汁，所以甜甜地，配埋雞肝個口感變咗有啲cream，完全唔會苦，olive oil更加令到成件事更加smooth。
澳洲天然草飼羊肉粒串又係打卡一流嘅item，但係除咗美觀，都真係好食，羊肉好大粒，好juicy，因為炭烤過，所以特別香，菜亦都烤得好好，不過我覺得最特別嘅，就係個薯仔，唔知點解可以敲得咁入味，咁鬆軟，而且外面仲係酥脆酥脆咁樣，超好食！！！
至於甜品方面，我哋最終兩樣都揀晒，因為真係決定唔到，朋友比較鍾意bozza，佢其實就係阿拉伯乳香膠雲呢拿雪糕配開心果碎，因為佢本身好鍾意雪糕，加埋開心果碎好多，成件事好香，亦都覺得雪糕嘅口感有別於一般平時香港食開嘅雪糕，佢係屬於比較有質感，有少少硬度嘅。我自己就係鍾意個經典中東甜品kanafeh，外脆酥皮入面包住甜芝士，呢個相反嘅口感真係食得出要新鮮整完即食先至好食！
張貼
