瀛豐放題料理專門店

營業中

休息中

最近去咗試呢間放題，好豐富。選擇超多，性價比高！首先講刺身，三文魚、油甘魚呢啲基本款已經唔錯，油脂豐富。佢哋仲有馬刀貝、赤貝、白玉貝呢啲比較少見嘅刺身，都鮮味！我哋仲加咗鮑魚、魚子醬、蟹腳同象拔蚌，呢啲高級食材喺放題度食到，真係超抵！鮑魚彈牙，魚子醬咸咸地，蟹腳肉質鮮甜，象拔蚌爽口！壽司方面，款式同樣豐富！火炙左口魚邊、和牛火炙、鵝肝帶子都有！每一件壽司都製作精細，最好係細細件唔怕浪費，唔夠又可以再叫。雙色拖羅蓉花之戀、海膽醬火炙蟹棒壽司呢啲特別嘅壽司，賣相精美！放題連泰式料理都有，我哋試咗泰式燒元貝、炭燒豬頸肉同泰式蝦餅。元貝燒得恰到好處，鮮甜多汁；豬頸肉香脆；泰式蝦餅香脆彈牙。除咗呢啲，仲有炸物同串燒，例如大蝦天婦羅、茄子天婦羅、芝麻炸雞翼等等，全部都炸得金黃香脆。最後，甜品方面都有好多選擇。