黑木亭居酒屋 (金馬倫道)

一家大細去食下豐富的日本野。刺身生蠔午市商務二人餐$398 ，包括刺身、卷物、定食、甜品，性價比好高。🦀真燒蟹甲羅蟹蓋裏面的用料豐富，包含雞蛋、蟹籽、蟹膏、青蔥同蟹肉，蟹肉蟹膏鮮甜，配上多士好好食。鍾意蟹的會好愛呢到菜式！底下有火燒住蟹蓋，好岩打卡。🐟薄切白身魚有八塊，魚片鮮甜，口感細緻。🦪法國生蠔不算大隻但甜滑新鮮，不錯。🍜刺身拼蕎麥麵有三文魚、油甘魚同大蝦各二。三文魚厚身，油脂豐富，其餘都新鮮。🍚托羅三色丼分別有和牛、鰻魚同托羅蓉，一次過滿足三個願望。和牛好香，配珍珠米好食。🍨甜品係雪糕，綠茶好濃味。