泰越概念 (已結業)

銅鑼灣新建嘅大廈，而家入邊就剩係得三間餐廳，其中一間就係呢一間泰越概念。未上到去你樓下看到已經感覺到非常之靚，上到去個感覺仲好，簡單嘅裝修，仲有好大塊玻璃可以望到出邊嘅景色。係我仲諗緊飲椰汁冰好定係菠蘿冰好嘅時候，隔離枱已經叫咗一個菠蘿冰，十分之吸引。係原隻菠蘿，餅起來仲有啖啖的菠蘿肉碎，有冰涼又解渴。其實我覺得泰國嘢同埋野都非常之想行遊戲時鍾意用香葉好似呢一個金不換葉炒豆角肉碎甘，又香又惹味，夠鑊氣。除咗係專門食越南野嘅餐廳之外，其實我都好少可會叫牛肉湯河，因為硬係覺得嗰啲全部都唔會正宗，係求其俾個湯底你。但係呢一度令我喜出望外，佢個湯底真係夠晒熱，亦都好濃，好明顯係有用時間精心煲。仲有呢一個酸甜黑豚肉鍋巴，係推薦嘅必點自選，佢個酸甜調味做得剛剛好，而且用佢嘅酸甜汁配上鍋巴，真係可以食完再食。整體來講，我真係比足滿分，無論係食物嘅樣，味道，環境同埋價錢，性價比好高。