礦記生滾粥

營業中

休息中

今晚聽朋友介紹去礦記食嘢，發現呢度價錢非常合理，店主自家主理，氣氛隨和好溫馨。去到時正好包場，建議如果超過三個人，最好提前打電話預約，以免等位。我哋叫咗香炸乳鴿、時菜炒雞雜、欖角蒸大魚頭、豉油王炒麵同朋友推介必點嘅海鮮粥。香炸乳鴿係即叫即炸，外皮酥脆，內裡鮮嫩，上枱時仲標緊熱氣，口感真係一流；欖角蒸大魚頭更係令我們驚艷，古法炮製，鮮美嘅魚頭配上欖角嘅獨特風味，真係好好味。朋友介紹番時菜炒雞雜同海鮮粥嘅水準一直保持穩定，絕對係每次來都要點嘅美食。豉油王炒麵就係我個人最愛，味道啱啱好，面嘅軟硬度適中。不過就係上菜有啲慢，同埋好多都係我地自己黎，總括嚟講都係推介。