釜之魂釜飯專門店 (淘大商場) (已結業)

平時好少機會會黎到九龍灣呢邊，今日難得黎行街，點都要揾下d好野食la. 淘大呢邊都有好多餐廳，不過我就俾呢間釜之魂釜飯專門店吸引住左餐廳果然係人氣店，十分旺場，門面裝修十分光猛黎到釜飯專門店，當然要一試佢地既釜飯，選擇種類都幾多，而且好多都係人氣之選，令到我都心大心細呢到既甜品都幾有特色，有d款其他地方都冇見過，點都要試下!首先黎係餐前小食，湯同飲品。小食係酸靑瓜仲有細細舊既鰻魚粒，十分開胃。麵豉湯夠晒足料等左一陣，就上呢個汁燒牛肉釜。大大舊牛肉上灑左芝麻，再配上流心蛋，香噴噴，未食已經流口水牛肉真係舊舊都厚切，軟沐而且無筋，牛味十足，每食一啖都係享受。珍珠米粒粒分明，而且軟硬適中，醬汁同飯撈埋一齊，再配上牛肉同糖心蛋，簡直係完美配搭點少得呢到既招牌鰻魚釜飯，我叫左$108果款。鰻魚果然十分肥美，而且烤得好香，芝麻令鰻魚既味道更加出色，再加上秘制醬汁，呢個飯好快已被全部ko食完釜飯就到甜品上場啦，呢個髒髒香蕉食落煙煙韌韌，而且好有香蕉味花生醬燒年糕，一定要趁熱食。年糕口感煙韌，再加上香滑既花生醬，兩者配合得十分好，食完好滿足今晚呢餐絕對係十分滿意，下次會再黎幫襯