大吃大喝 (已搬遷) 新店位置

餐廳嘅老闆係新加坡回流嘅攝影師，佢嘅志願係開茶餐廳，回流返嚟之後喺茶餐廳拜師學藝，最後決定將茶餐廳嘅元素同三文治結合，見到小店三文治餡料非常有特色，共有18款，每一款睇落去都好好食。厚切三文治即叫即做，全份14cm厚，好足料。由於款式好多，每一款望落去都好吸引，款款都想試。由於本人好鍾意食沙嗲牛肉，最後揀咗香濃沙嗲牛肉滑蛋三文治🥪，加配樽仔奶茶。麵包非常鬆軟，聞說店主搵咗好多間供應商先揀到呢款麵包，沙嗲牛肉花生醬味突出，份量多，半熟既炒滑蛋配合香濃沙爹牛肉，非常創新配搭，味道好夾，中意食沙爹牛肉朋友一定要試！樽仔奶茶亦做得很出色，店家用上5種粗中幼茶葉，用撞茶嘅方式令奶茶飲落去好滑，佢哋嘅樽仔奶茶茶味比較濃，佢哋會將成支奶茶雪凍，避免冰塊沖淡奶茶味。