新景園咖喱小廚

營業中

休息中

老公成日都推介呢個新景園既咖哩豬扒飯，有日出開港島區就決定去try tryLunch time 既時間都好多人唔介意排隊等，令到我更加期待😍😍等左半個鐘左右終於有得入，不過舖頭入邊嘅環境比較迫，要同人搭枱。我哋分別嗌咗一個咖喱豬扒飯同埋咖喱雞扒飯，每一碟都大大碟，兩個人食一碟都會覺得好飽，不過餐廳有最低消費限制，所以都要每人叫一個飯，見到有遊客係堂食一個飯，外賣一個走。豬扒飯真係冇得輸，豬扒好鬆化，就算我平時唔係好食豬扒都覺得好好味，至於雞扒就覺得比較遜色，都係豬扒好食啲。