好好運快餐店 (已結業)

今次特登黎到沙嗲牛麵最人氣鋪頭，自己平時早餐都好鍾意食。我平日晏就黎都要排左大約十分鐘先入到去。鋪頭唔算大，所以坐得都有少少逼，工廠區快餐店都可以接受。我就叫左個沙嗲牛肉麵餐加雙蒜蛋，盛惠$48蚊，午餐黎講都算正常價。食落的而且確好香又好濃既沙嗲味，加上有少少甜甜地，成碗野都唔會太咸，值得一讚。如果鍾意沙嗲牛既朋友都可以黎試下，但如果排太耐既話，對於我就唔值得等咁耐LU。總括而言，成間餐廳價錢食物質素都幾好，係環境坐得唔算太舒服，有d逼住快d走既感覺，但都可以一試。