影片
更多
2022-10-07
52 瀏覽
好耐之前已經聽過呢間良心串燒店好高質，但長期多人排隊，次次都食唔到🫣 前排早咗收工，終於食到☺️ 佢嘅串燒分有唔同style，港式、西式、日式、仲有佢嘅自家產品等等😋 即刻睇下👇🏻🔸 雞皮墨魚滑 $38 推❗️呢個係佢嘅自家製菜式，好新奇，第一次食🤣 而不嬲唔好雞皮嘅我竟然覺得好好食！脆脆哋嘅雞皮包住爽口彈牙嘅墨魚滑，非常夾，創新得嚟又好味😋🔸 焦糖青蘋果鵝肝多士 $88 推❗️呢個應該係呢度嘅名物，見到每枱都有嗌，雖然有啲貴，但真係冇嗌錯！ 鵝肝大大塊，滿滿嘅油脂好香，再配上焦糖化嘅青蘋果，口感一軟一硬，超級正😍🔸 提燈 $38第一次試提燈，佢係雞嘅輸卵管，口感較煙韌，頂頂仲有未生成蛋殼嘅蛋黃部分，蛋味勁濃郁，外型亦十分得意🤣 而且好矜貴，每隻雞只有一串咋，未試過嘅都可以試試佢😳🔸 厚切鹽燒牛舌腩 $48牛舌都幾厚身，嫩口得嚟但又帶少少爽口，燒得啱啱好，簡簡單單咁加上黑椒同檸檬汁，惹味滿分😋🔸 汁燒免治雞肉軟骨棒(付月見) $38通常去食居酒屋/串燒都會嗌嘅菜式！口感幾唔錯，軟骨多少少會再好啲，同埋用上日本雞蛋，蛋味勁香，不過加埋成個醬汁就偏鹹少少🤏🔸 鹽燒A4宮崎和牛 $58 推❗️
🔸 雞皮墨魚滑 $38 推❗️呢個係佢嘅自家製菜式，好新奇，第一次食🤣 而不嬲唔好雞皮嘅我竟然覺得好好食！脆脆哋嘅雞皮包住爽口彈牙嘅墨魚滑，非常夾，創新得嚟又好味😋
🔸 焦糖青蘋果鵝肝多士 $88 推❗️呢個應該係呢度嘅名物，見到每枱都有嗌，雖然有啲貴，但真係冇嗌錯！ 鵝肝大大塊，滿滿嘅油脂好香，再配上焦糖化嘅青蘋果，口感一軟一硬，超級正😍
🔸 提燈 $38第一次試提燈，佢係雞嘅輸卵管，口感較煙韌，頂頂仲有未生成蛋殼嘅蛋黃部分，蛋味勁濃郁，外型亦十分得意🤣 而且好矜貴，每隻雞只有一串咋，未試過嘅都可以試試佢😳
🔸 厚切鹽燒牛舌腩 $48牛舌都幾厚身，嫩口得嚟但又帶少少爽口，燒得啱啱好，簡簡單單咁加上黑椒同檸檬汁，惹味滿分😋
🔸 汁燒免治雞肉軟骨棒(付月見) $38通常去食居酒屋/串燒都會嗌嘅菜式！口感幾唔錯，軟骨多少少會再好啲，同埋用上日本雞蛋，蛋味勁香，不過加埋成個醬汁就偏鹹少少🤏
🔸 鹽燒A4宮崎和牛 $58 推❗️
真係一分錢一分貨，呢個和牛真係好好食🤤 牛味濃郁，肉質好嫩，而且油脂分泌剛好，食落充滿油香但又唔會太油膩，推薦👍🏻
🔸 惹味鹹蛋黃豬大腸 $24
一見到呢個菜式名，就知道佢係自家製嘅燒物！從來冇諗過兩樣咁邪惡嘅嘢，竟然可以combine埋一齊變成終極邪惡體😈 雖然佢夠晒惡，但真係好惹味！鹹蛋黃係流沙texture，豬大腸燒得好香口，不過唔建議食太多，因為食耐咗都會有少少膩🫣
🔸 牛油果豚肉卷 $28
又一特別之作！竟然牛油果都拎去燒，而燒過之後嘅牛油果有啲太腍，不過個味都唔錯，再加上章魚燒嘅醬汁同面頭嘅紫菜碎，有少少好似食緊章魚燒咁🤣
🔸 孜然燒蒜茸茄子 $36 推❗️不嬲都冇話勁好燒茄子，不過一場嚟到就試吓佢，估唔到又有驚喜收穫！呢到燒到勁腍，蒜茸又落到好足，每條茄子肉都好入味好正😍
🔸 鹽燒椰菜仔 $20
椰菜仔平時都好少食，今次仲要係燒嘅，當然要嗌下！驟眼睇燒得燶咗少少，不過好鍾意個口感，好爽口，都唔錯！
🔸 鹽燒白鱔 $48又一串燒至愛，白鱔爽口彈牙，幾鮮味😋 但稍嫌燒得有啲太乾身🤔
🔸 明太子淮山燒 $26
明太子控應該好鍾意😳 明太子鋪滿咗淮山片，鹹鹹香香再配上清清哋嘅淮山，好夾好惹味🤤
🔸 蜜糖燒菠蘿 $18菠蘿燒到好吸引，面頭搽上蜜糖，所以外皮好脆，內裡又好多汁好甜，一啲渣都冇，好高質👍🏻
🔸 牛油蜜糖日本蕃薯條 $38又一邪惡之選！望住一大塊牛油係熱辣辣嘅蕃薯條上面溶化，有種治癒嘅感覺！牛油蜜糖嘅配搭咁經典，點會唔好食😝
🔸 明太子燒飯團 $38最後一道菜式以燒飯團作結，又係揀咗明太子味🤤 飯團要自己包上紫菜，飯團燒到有少少飯焦，再夾埋超脆嘅紫菜，超夾😋
🔸 七寶生啤 $48生啤依家做緊買一送一優惠！同一大班friend一齊食嘢吹水，嗌佢就啱哂😎
總括而言，呢間串燒店真係好唔錯😌 佢嘅串燒配搭咩種類都有，仲有啲好有創意嘅，好似鹹蛋黃豬大腸同雞皮墨魚滑咁😝 面且價錢合理，絕對值得一試！
張貼
