滾喜火鍋專門店 (已結業)

行經旺角啲街頭小巷，見到有間有得任食安格斯牛既雞煲餐廳就被佢吸引左入去，入餐廳前都要先量體溫，確保食到安心！入到去仲坐低睇緊餐牌既時候，就有位職員主動介紹可以先試芝士雞煲然後再食麻辣雞煲再加湯打邊爐，呢個舉動都幾窩心!當個三重芝士雞煲到枱既時候已經鋪滿左好多芝士係啲雞件上面，煮左3分鐘之後芝士完全融化後，一打開蓋就聞到好濃既芝士香，雞件加上濃濃既芝士入口滑而不溜，芝士控一定要試。然後換上麻辣雞煲之後，我地揀左BB辣，辣道岩岩好，愛辣人士可以再叫辣啲。黎到都係煮左3分鐘之後，就聞到香噴噴既雞煲味，雞件好滑，而且佢地既雞汁超級入味，一舊接一舊，而且佢地啲雞可以再refill，呢個賣點相當吸引！除左雞煲之外，另一大賣點就係安格斯牛啦，佢地既安格斯牛絕對唔係普通肥牛，食完第一塊牛之後驚嘆竟然$200多啲既價錢可以任食安格斯肥牛，牛味好濃，而且切得好大塊，好捨得比人食。另外亦都極推佢地既自家製咸蛋炸魚皮，魚皮炸得香脆而且加上咸蛋碎令魚皮變得更可口，仲有鮮蝦雲吞同埋鮮蝦水餃都好值得食，粒粒都食到蝦味，同埋雲吞皮/水餃皮都好薄好滑，食唔停口!其他食材都好新鮮，配菜選擇多而且質素好好，所以呢個價錢黎講