影片
更多
2015-06-13
1331 瀏覽
朋友臨時臨急話想食壽司…仲要選間唔貴唔食…PlanA無位…就PlanB啦…但無bar坐…只可坐枱…遠距離完全睇唔到壽師師傅既製作手藝…估唔到午市時份都咁爆…全場只有3位年青有為既壽司師傅…要招呼十幾個顧客…相信大多數人都會點選呢個餐…前菜話咁快就到…日式滑滑燉旦當然唔少得…入面係冬菇，蟹柳，帆立貝…唔加豉油都已經好好味…呢個幻彩碗…盛載著晶瑩通透既物體...真係唔講唔知…原來係魚鼻哥既軟骨組織…爽爽地有咬口…汁有少少酸…感覺像食梗一塊比較硬身既海蜇…前菜仲有凍蕃茄…細細個好新鮮…帶少少甜…之後就係期待已久既sashimi...侍應好專業咁介紹...有紅衫魚，拖羅，銀雪魚，帆立貝，池魚...果然係貴價野黎...仲要食得有次序...池魚＞帆立貝＞紅衫魚＞銀雪魚＞拖羅...其中紅衫魚指明要點蒜香豉油食...紅衫魚連皮食…好似有d怪怪地…其實樣樣都好大件厚肉…仲好鮮甜添…不過我就比較鍾意sashmi凍一d…室溫既話反而有點反胃既感覺…當然只屬個人感覺…朋友食得津津有味呢…而主菜開始等得耐d…兩個一人餐放埋一大碟…款式係由壽司師傅決定...雖然話選左兩個壽司師傅做壽司...可是兩個餐既壽司款式擺
朋友臨時臨急話想食壽司…仲要選間唔貴唔食…PlanA無位…就PlanB啦…但無bar坐…只可坐枱…遠距離完全睇唔到壽師師傅既製作手藝…
估唔到午市時份都咁爆…全場只有3位年青有為既壽司師傅…要招呼十幾個顧客…相信大多數人都會點選呢個餐…
前菜話咁快就到…日式滑滑燉旦當然唔少得…入面係冬菇，蟹柳，帆立貝…唔加豉油都已經好好味…
呢個幻彩碗…盛載著晶瑩通透既物體...真係唔講唔知…原來係魚鼻哥既軟骨組織…爽爽地有咬口…汁有少少酸…感覺像食梗一塊比較硬身既海蜇…
前菜仲有凍蕃茄…細細個好新鮮…帶少少甜…
之後就係期待已久既sashimi...侍應好專業咁介紹...有紅衫魚，拖羅，銀雪魚，帆立貝，池魚...果然係貴價野黎...仲要食得有次序...池魚＞帆立貝＞紅衫魚＞銀雪魚＞拖羅...其中紅衫魚指明要點蒜香豉油食...紅衫魚連皮食…好似有d怪怪地…其實樣樣都好大件厚肉…仲好鮮甜添…不過我就比較鍾意sashmi凍一d…室溫既話反而有點反胃既感覺…當然只屬個人感覺…朋友食得津津有味呢…
而主菜開始等得耐d…兩個一人餐放埋一大碟…款式係由壽司師傅決定...雖然話選左兩個壽司師傅做壽司...可是兩個餐既壽司款式擺位完全一樣...完全唔似係兩個人既製作lor...
每人5件壽司…有平靖魚，赤蝦，魷魚，海鰻，海膽…但因為我要戒口...所以落order時要走蝦走辣...點知還是做了鮮蝦壽司...當然要向侍應反映啦...結果多做了一件火焰三文魚壽司比我...壽司飯好實淨…唔知係咪手握既呢！？！？
呢舊似足肥東坡肉咁樣…但食落口一d都唔覺得係肥肉黎…暖暖地甜甜地…配左少少黃芥辣…味道幾特別…
之後呢道菜…就係手卷同魚生飯任擇其一…到左呢個moment...我都已經好飽下…所以我就選左輕怡d既手卷…紫菜並不脆…入面有少少魚生碎…至於朋友既魚生飯…都唔少份量…有成碗飯呢…仲有三文魚，魚子，海膽…樣樣食材都好新鮮…非常重本呢…
反而呢個魚湯好清…純粹過冷河似的…金鯛魚無骨…煮熟左既肉質仲好滑…
最後甜品有布丁同雪糕選…結果大家都係選雪糕…綠茶同黑芝麻味道都好濃郁…唔知係咪自家製呢！？！？就咁睇餐牌…要成400蚊一個餐…未必會入黎食…樣樣款式得少少…但食過之後…就知道食材質素高…尤以池魚，紅衫魚為例…唔係咁多地方食得到…就算有都貴…魚鼻哥，豚肉煮亦唔係一般日式店有得食…所以400蚊應該係超值至真！！
題外話/補充資料：
建議黎呢到幫襯既話…要預至少兩個鐘…咁樣先可以慢慢品嚐…食得輕鬆…
(以上食評乃用戶個人意見 , 並不代表OpenRice之觀點。)
張貼
