神石燒牛扒水產專門店 (如心廣場二期) (已結業)

前日媽咪生日去咗呢一間連鎖嘅神石燒牛扒水產專門店食飯🥰，呢排餐廳做緊週年限定特價，價錢更加超值！黑豚牛舌洋蔥湯呢一碗暖笠笠嘅洋蔥湯好好飲，除咗充滿洋蔥嘅香味，仲飲得出有黑豚牛舌嘅味道，非常之好味。今次叫咗呢個一人火山燒肉盛:美國牛肉燒肉盛合✨美國安格斯牛肉✨大大片嘅安格斯牛肉好香牛味，燒完之後牛香嘅味道就更加濃郁！✨美國特級牛五花✨呢一款就比起安格斯牛肥少少，但係同樣非常軟腍，油脂非常豐富！✨薄切蔥花牛舌✨薄切牛舌好香蔥花嘅味道，口感煙韌。另外，仲有飯同沙律🥗，非常滿意豐富嘅一餐！