影片
更多
2021-07-12
336 瀏覽
最近經常嚟康城呢邊，見住個商場愈開愈多舖，我同朋友依日想食中餐🥢，於是就揀咗「京滬佳餚」。幸好我哋閒日中午嚟唔使等位，聽講晚市要排隊先有得食。餐廳環境唔錯，座位數量多👍，而且餐枱夠大張，坐得舒服。其中有一邊更係對住溜冰場，感覺好開揚，但個場暫時好似仲未開放。餐牌成本書咁厚，真係睇到我眼花撩亂😆，所以最終決定簡單啲，食個價值$728嘅「超值兩位龍蝦套餐」，有齊哂我哋想食嘅嘢✌🏻。熗汁鮮鮑海蜇頭，呢個前菜幾開胃，因為熗汁辣辣哋、酸酸哋🌶。海蜇頭好大塊，比幼身嘅海蜇絲還要爽脆，而且更掛汁。另一主角鮮鮑魚亦都唔錯，同樣好爽，兼且唔韌，但得一隻有啲唔夠喉囉，而底部就仲有啲露筍添。薺菜花膠豆腐羹，湯羹好夠味兼好足料🤤，每啖都食到薺菜、花膠同豆腐。同時，質感唔會過於滑潺潺，最重要係熱辣辣送上。上湯芝士龍蝦球拌煎米，套餐有龍蝦食🦞，感覺已經抵咗一半！如果我無記錯，龍蝦有成四大件，蝦肉鮮味，口感彈牙。🧀上湯芝士汁鹹香味濃，估計係用上車打芝士，所以顏色偏橙。芝士汁唔會蓋過蝦嘅鮮味，仲好啱配煎米食。煎米餅份量其實超多，但就無想像中咁鬆脆。京滬香酥烤鴨(半例)，呢個係餐廳嘅招牌菜，唔係唔食呀😎。半例份量夠哂二
最近經常嚟康城呢邊，見住個商場愈開愈多舖，我同朋友依日想食中餐🥢，於是就揀咗「京滬佳餚」。幸好我哋閒日中午嚟唔使等位，聽講晚市要排隊先有得食。
餐廳環境唔錯，座位數量多👍，而且餐枱夠大張，坐得舒服。其中有一邊更係對住溜冰場，感覺好開揚，但個場暫時好似仲未開放。
餐牌成本書咁厚，真係睇到我眼花撩亂😆，所以最終決定簡單啲，食個價值$728嘅「超值兩位龍蝦套餐」，有齊哂我哋想食嘅嘢✌🏻。
熗汁鮮鮑海蜇頭
10 瀏覽
0 讚好
0 留言
薺菜花膠豆腐羹
10 瀏覽
0 讚好
0 留言
上湯芝士龍蝦球拌煎米
13 瀏覽
0 讚好
0 留言
京滬香酥烤鴨
42 瀏覽
0 讚好
0 留言
烤鴨皮好邪惡😈，不過幸好皮下層脂肪較薄。鴨皮好脆啊，又夠油香，就算放耐咗都無話差太遠。鴨皮下低原來墊咗好多鴨肉，片得好平均，肉味都幾香。
配料盛盒有六款🌈，包括青瓜、大蔥、紅菜頭、蒜蓉、甜醬同埋砂糖。部份配料比較常見，但配砂糖食都係第一次，女店員細心介紹，原來鴨皮沾砂糖係超好食的😍。
餐廳喺餐牌嘅第一版就附上填鴨食法，首先係要落單，哈🤣。其後就係將薄餅置於碟上，放一塊填鴨於十二點鐘方位，再放上配料同醬汁。完成後將薄餅上下對摺，然後分別左右再對摺一下，咁就搞掂，食得👏！
我係跟足步驟整㗎，你睇吓成品幾似模似樣💯。
雞汁小棠菜，食完上面嘅嘢我已經飽咗九成🙈，望住碟菜都唔太大胃口。不過估唔到都幾好味，因為係用上雞汁熬製🐔，而唔係普通白烚。小棠菜自身亦都幾甜幾嫩。
冰糖雪耳燉桃膠，糖水好滋潤，冰糖清甜入心💕，但亦唔會過甜。甜湯啲料多到一個點，搞到啲水唔係好多，要投訴呀，講笑啫。
總括嚟講，呢個👫二人餐確係幾好，佢囊括晒餐廳嘅招牌菜式，而且仲幾好食添😋。雖然八百蚊感覺唔平，但食呢啲嘢又覺得OK。服務方面，店員不時留意住我哋嘅進食速度，以確保菜式適時送上，亦會主動幫我哋添茶，抵讚。
張貼
