真味鮮廚 (已結業)

放工同同事一行4個人，近近地搵左間放題食，因為唔洗就住就住，又唔洗擔心食唔飽。坐底後店員會安排刺身同先上雞煲，係等食既同時去左醬料區混醬！選擇唔多，但基本既都有。刺身比想像中好，全部切得好大隻，最特別係有鮑魚仔，嚴格來講應該唔係刺身，不過都幾好食。雞煲都算惹味，份量唔會太多，因為要留肚食之後既好野。海鮮盤來到時真係嘩左聲，全部海鮮個樣都好新鮮！有大龍蝦、聖子王、帶子、鱔魚等等！唔係得個樣，食落都真係幾好，除左細隻聖子仔有沙外，其他海鮮全都好正。手切牛肉(4人份)厚切有肉味，食完再食普通肥牛，完全食到果種分別，手切就係好食d雲吞皇大粒蝦肉，皮薄，個人覺得中規中舉！不過都只係得一粒上面全部都只係一次性，唔係任食。食完上面當然未飽住，當然要再點任食既配料打邊爐啦。肥牛雖然唔係手切，但質素都唔差！飲品選擇唔算多，一般汽水都有，有啤酒任飲。推介飲佢地自家既飲品，質素不錯。因為唔係預先想食，只係4個人隨便即日上網搵，無期望下反而幾有驚喜，最重要係個價錢真係抵食。