海港酒家

營業中

休息中

話說前一個星期六老爸來過這裡飲過中午茶，覺得嘢食、地方都唔錯，決定於佢生日前一日擺三圍午宴邀請親戚做生日。周日，超多人。好彩有預位，訂了三圍超值全包宴$1998，非常抵食: -鴻運乳豬全體上湯焗蝦球伊麵濃湯花膠煲螺頭杏香百花球原隻鮑魚燴花菇西蘭花炒龍躉球清蒸龍躉頭腩脆皮醬燒雞歡樂大蟠桃啤酒二支 (可轉汽水)，橙汁二渣【鴻運乳豬全體】雖然係BB豬，但係皮下脂肪都好多，味道一般般。【上湯焗蝦球伊麵】湯底幾鮮味，蝦球數量好多，每人可以分到兩隻。至於伊麵份量就唔多夠。【濃湯花膠煲螺頭】花膠螺頭預咗係普通貨色，但係個湯都煲得夠火喉，都幾好飲。一大煲，可以分到15碗。【杏香百花球】一碟18粒，好意頭。杏仁碎香脆，蝦肉球彃牙，中間的沙律菜加咗芝麻醬，小朋友至愛，爭住食。【原隻鮑魚燴花菇】老爸至愛呢味，因為佢鍾意食鮑魚。鮑魚、花菇都好大隻，肉又厚。【西蘭花炒龍躉球】份量都足，龍躉肉起球香煎，坐在我隔籬的姨媽讚好食。【清蒸龍躉頭腩】件件都大件、肉多，蒸得啱啱好。有金菇墊底，爽爽地，又嗦咗啲豉油魚汁，都好味。【脆皮醬燒雞】皮薄，皮脆，肉多，唔肥，不過無咩雞味。【歡樂大蟠桃】壓軸出場係大壽包，一籠12個。好