御老鍋台式火鍋 (已結業)

朋友告知呢度有好正既台式火鍋，依家仲有個好抵食既二人餐～供應時段由1400-1800，個餐仲包埋飲品架～餐廳內整潔闊落，職員有禮親切呢個餐有齊肉類、海鮮、蔬菜同火鍋料仲有王子麵做主食，湯底三選一我地揀左蕃茄薯仔鹹排骨湯做鍋底，未落料之前仲可以飲啖足料靚湯🤣🤣🤣當中既手切牛同帶子絕不欺場仲有台味甚濃既蛋餃同鴨血添🤤🤤🤤👍🏻手切牛固然香嫩，但羊肉片既質素都好有驚喜，食落爽嫩有羊味😋😋原隻既白蝦亦好新鮮，蝦肉爽彈！！！丸類有唔馬虎，其中一款係有咸蛋流心既魚丸黎架我哋可以揀要菊花茶或者洛神花茶，兩款都係餐廳自家製我哋既菊花茶加入桂圓杞子，飲落清香又下火