影片
更多
2023-05-23
69 瀏覽
聽住禾輋嘅朋友講，有間好抵飲嘅燉湯，即刻吸引到好鍾意飲湯嘅我。去到睇餐牌先發現原來係早幾日食過荃灣川魔既分店，即刻再叫佢試勁好食既麻辣魚皮，哩間都係口感好爽脆，帶香辣味，正😍花膠螺頭干貝燉雲吞雞湯個紫砂鍋都幾大下，入面大概有¼隻雞，仲有兩大粒雲吞，花膠，同埋少量湯料，倒出嚟應該都有兩大碗湯，真係超級足料份量多，好抵飲。上湯小籠包一籠四隻，皮有厚度，包有豐富嘅湯汁。蓮藕苗炒豬頸肉爽脆嘅豬頸肉，配上帶有酸味嘅蓮藕苗，似酸辣炒嘅味道，餸飯一流。香葉肉碎配鍋巴有超重嘅香芹味道，配上脆脆嘅鍋巴，鍾意食香芹嘅朋友可以試吓。芝士奶蓋茉香綠茶濃厚又邪惡嘅芝士奶蓋，配上唔太甜嘅綠茶🍵係我杯茶😝曲奇熊貓朋友話呢杯唔係野飲咁簡單，有一球曲奇雪糕同埋Oreo餅乾，飲落曲奇味濃，鐘意食Oreo既朋友一定要試一試😋店員推介左做會員既優惠，都幾吸引，朋友住得近即入會😂1. 消費有9折2. 享有優先訂座3. 定期贈送會員優惠4. 半價飲品(不包括生啤類）
聽住禾輋嘅朋友講，有間好抵飲嘅燉湯，即刻吸引到好鍾意飲湯嘅我。
去到睇餐牌先發現原來係早幾日食過荃灣川魔既分店，即刻再叫佢試勁好食既麻辣魚皮，哩間都係口感好爽脆，帶香辣味，正😍
花膠螺頭干貝燉雲吞雞湯
個紫砂鍋都幾大下，入面大概有¼隻雞，仲有兩大粒雲吞，花膠，同埋少量湯料，倒出嚟應該都有兩大碗湯，真係超級足料份量多，好抵飲。
上湯小籠包
一籠四隻，皮有厚度，包有豐富嘅湯汁。
蓮藕苗炒豬頸肉
爽脆嘅豬頸肉，配上帶有酸味嘅蓮藕苗，似酸辣炒嘅味道，餸飯一流。
香葉肉碎配鍋巴
有超重嘅香芹味道，配上脆脆嘅鍋巴，鍾意食香芹嘅朋友可以試吓。
芝士奶蓋茉香綠茶
濃厚又邪惡嘅芝士奶蓋，配上唔太甜嘅綠茶🍵係我杯茶😝
曲奇熊貓
朋友話呢杯唔係野飲咁簡單，有一球曲奇雪糕同埋Oreo餅乾，飲落曲奇味濃，鐘意食Oreo既朋友一定要試一試😋
店員推介左做會員既優惠，都幾吸引，朋友住得近即入會😂
1. 消費有9折
2. 享有優先訂座
3. 定期贈送會員優惠
4. 半價飲品(不包括生啤類）
張貼
