味口福 (已結業)

味口福由太安樓時已經有食過之後搬咗去湾仔再搬去筲箕湾天悦廣埸,剛新開張時都有幫襯過覺得食物依舊保持水準,所以上星期與男朋友去西湾河文娛中心就諗起佢哋嘅蛋包飯同漢堡包,於是就搭電車去味囗福食嘢喇,首先我哋揾咗座位先然後店員就推介:趁有優惠梗係食套餐啦$112有齊3款美食仲有2杯飲品真係好抵食,另外影低食物在Facebook専頁打卡就送l杯红豆奶茶於是我哋就㨂咗套餐喇,而今次寫食評是因為覺得這小店值得支持,員工態度好好能夠將優惠第一時間介绍比客人同埋食物水凖吾錯最緊要價錢合理。吉列魚柳蛋包飯:魚柳炸得非常脆口,外脆內軟,有7款醬汁可選,我揀咗蘑菇白汁,這裏的蛋包飯做得好好,外層蛋槳薄簿的不會太厚,蛋內的飯没有漏出來。厚炸巨型洋蔥鷄堡:睇賣相已經好吸引,咬落麵包非常鬆軟芝麻味香,揀咗墨西哥香辣醬,醬汁酸甜微辣配鷄扒包好夾,鷄扒厚身都幾juicy,洋蔥圈皮脆多汁配上芝士及沙律菜成個包好好食。瑞士雞全翼:ㄧ上枱已經聞到好香,雞肉嫰滑多汁,瑞士汁非常入味,不會太甜。