沙田友冰室 (已搬遷) 新店位置

在石門做嘢，轉眼已過1點，便去京瑞廣場搵食。見沙田友有位不用等，便直入睇吓。原來佢逢星期一至五每日都有特惠套餐，不過我不太肚餓，便揀了一個秘製豬扒脆豬加一杯熱檸茶，盛惠$38。脆豬包上枱，見其頭頂插了沙田友Logo貼子，可愛。包頗大，差不多三分之二手掌大，即有4至5吋，而豬扒更大過包。👍🏻👍🏻👍🏻這個豬扒包，味道是出乎意外的好味，由於麵包是店內烘培，面包外皮微脆，猶其是頂部。麵包裏面軟熟，加埋用洋蔥調味的豬扒，很香口，可以一啖肉一啖洋蔥。豬扒亦厚身及大件，咬開肉質鬆軟，啖啖肉，好juicy! 😋😋😋檸檬茶嘅茶味濃，剛好平衡了豬扒的油膩，這個價錢，絕對超值。👍🏻👍🏻👍🏻