巴打火鍋館 (已改名) 查看

住咗元朗咁耐都從來冇去過餐廳打邊爐，今日同屋企人發現咗呢間巴打火鍋店，性價比可以話係寶藏級別🤣今日真係超凍，入到餐廳已經得返一張枱，餐牌上面嘅選擇超級多，淨係湯底已經有10幾款，我哋今日就帶咗個胡椒豬肚湯暖下身，本來以為都係得個味，但係竟然超足料，裏面真係有豬肚食。我哋叫咗蝦滑，響鈴，蔬菜拼盤同埋一份大嘅牛頸脊，當中我哋最欣賞嘅就係個即炸響鈴同埋牛頸脊。即炸響鈴，真係同包裝嘅冇得比，3秒即軟，及滿堂執，但又脆卜卜😚但又一啲都唔覺得肥膩，講起都想食多次。牛頸脊油花睇相都感覺到超級靚，師傅切隻牛厚薄適中，有咬口有牛味但又完全唔會好韌。份量大得驚人，物超所值。買單發現竟然仲有八八折，好抵食，一定會再嚟呢間餐廳。