影片
更多
2018-11-14
748 瀏覽
自從揸車之後, 每星期都同熊嫂四圍搵食好多食評未寫, 會慢慢補上今個星期黎到海港城既BLT Steak坦白講由於海港城既餐廳價格比較高, 一直都未食過今次有緣之下從朋友口中知道呢間餐廳既Weekend 半自助午餐好抵食馬上訂位黎挑戰下餐廳位置係望住海, 由於我係當日第一位客戶, 可以坐係靠近窗既位置餐廳亦有戶外坐位, 但因為我唔食煙, 所以選擇室內餐廳半自助午餐有兩種價錢, 第一種係主菜+自助餐 $338第二種係只食自助餐 $218今次第一次食, 我地叫左一個主菜 + 自助餐, 同埋一個單純自助餐主要原因係為左湊夠$500 消費拎2小時泊車優惠 (加埋都50幾蚊)講番自助餐, 食物種類如下沙津吧)(甜品吧)(即切牛排 / 羊肉)選擇唔多, 但每款都非常好食, 並唔係HEA你好多餐廳既自助吧都非常HEA, 迫你要點主菜但係BLT Steak呢度, 其實單單食自助餐就足夠原因係佢既即切牛排 絕對係5星級酒店自助餐既水準但羊肉就差少少, 非常乾亦欠肉汁即切肉類呢度大家留意番, 由於佢每舊肉係成舊去燒燒出黎每個部位生熟程度會唔同你拎既位置係愈接近外面, 就會愈熟, 反之亦然係即切牛排水準非常高
今個星期黎到海港城既BLT Steak
坦白講由於海港城既餐廳價格比較高, 一直都未食過
今次有緣之下從朋友口中知道呢間餐廳既Weekend 半自助午餐好抵食
馬上訂位黎挑戰下
餐廳位置係望住海, 由於我係當日第一位客戶, 可以坐係靠近窗既位置
餐廳亦有戶外坐位, 但因為我唔食煙, 所以選擇室內
餐廳半自助午餐有兩種價錢,
第一種係主菜+自助餐 $338
第二種係只食自助餐 $218
今次第一次食, 我地叫左一個主菜 + 自助餐, 同埋一個單純自助餐
主要原因係為左湊夠$500 消費拎2小時泊車優惠 (加埋都50幾蚊)
講番自助餐, 食物種類如下:
(沙津吧)
(甜品吧)
(即切牛排 / 羊肉)
選擇唔多, 但每款都非常好食, 並唔係HEA你
好多餐廳既自助吧都非常HEA, 迫你要點主菜
但係BLT Steak呢度, 其實單單食自助餐就足夠
原因係佢既即切牛排 絕對係5星級酒店自助餐既水準
但羊肉就差少少, 非常乾亦欠肉汁
即切肉類呢度大家留意番, 由於佢每舊肉係成舊去燒
燒出黎每個部位生熟程度會唔同
你拎既位置係愈接近外面, 就會愈熟, 反之亦然
係即切牛排水準非常高既情況下, 其實已經可以當係主菜
我一口氣就食左3塊
至於沙津吧質素亦高
海鮮方面只有蝦提供, 蝦非常彈牙
甜品選擇少, 但亦有酒店自助餐水準
主菜方面, 由於BLT 另一餐廳 - BLT Burger 都幾好食
所以係BLT Steak點左個漢堡作為主菜試試
個包本身係燒得好香
而塊肉亦係好重碳燒香味
但唯一不滿既地方, 雖然塊肉係燒到Medium
但仍然係欠缺肉汁, 咬落口非常乾身
結論而言
我覺得呢度賣點係自助餐可以食4小時, 即由12點開門食到4點
員工大多只能以英語溝通, 但服務非常好, 主動加水
有兩個貼心位:
1. 我切牛排果陣由於果個部位太生, 我把刀切得好辛苦, 佢主動拎把牛排刀比我換
2. 食完蝦成隻手都係蝦汁, 服務員主動拎濕紙巾比我
如果約埋三五知己, 每人200蚊已經可以坐成個下午
本熊非常推薦呢個自助午餐比大家
張貼
