四季禅 (已結業)

四季禅就在我公司附近，同事們一直介紹這家日本料理，又高度評價食物有水準。襯朋友生日，一行4人去試一試，睇下係咪咁正!一出電梯，左右兩行幾十款食物像列隊一樣歡迎我們，有大大隻生蠔、大大塊鵝肝、刺身、壽司、沙律、鐵板燒、日式前菜、甜品、全部任食。當我們入座時，侍應遞上Menu，原來以上通通只是「前菜」，因為主菜要在Menu任選一款的！價錢只是$480！！！我點了鐵板燒波士頓龍蝦，配牛油海膽汁，朋友點了鹽焼三文魚配柚子醤、鹿兒島和牛西冷、西京味噌銀鱈魚，一人點一款然後開心share！實情是，主菜未到，我們已經全飽了，因為自助餐枱上的食物不時更新refill，款式太多，唔試哂感覺好蝕底！而且味道的確稱得上酒店水準。說回主菜，我的波士頓龍蝦份量十足，肉質彈牙但不鞋口，與海膽汁很配，特別鮮甜。可惜是，我竟然忘了相機食先！無相俾大家睇...侍應介紹午餐時段都有半自助餐供應，即是先點一款主菜，再任食自助餐枱上的菜式。搵個weekend再去擦餐勁！