夜櫻 • 居 (已結業)

隔咗半年，再去呢間餐廳。本身打算食日本菜。點知一上到去人山人海。都以為無位，諗住走。店員沖岀黎話十分鐘有位。話而加做緊大閘蟹放題，所以先咁爆。咁反正到左就等下啦。我地一行四人等左15分鐘左右先入到座。我地選擇左食中size既蟹人頭498加一。四人同行送象拔蚌一條。其實食條蚌都回左一半本😂😂不過當然要食反夠本啦，我地一入座就叫左8隻蟹。大約2分鐘上蟹。。呢點低讚。個蟹粥超好食。不過蟹公未係時候，可惜。蟹乸就爆曬黃。一個字，正。老闆有解釋話公要天氣涼多小小先好食。我都明既。公靚乸就唔會靚。中意食公既我，唯有過多半個月再黎。真心推介呢個放題。最後90分鐘我地每人食左8隻。老闆話我地都算正常。唔多唔小。食到既佢都會再上蟹。可惜我地己經飽到行唔到😂😂