影片
更多
2012-11-03
429 瀏覽
其實試過幾次呢間舖頭，d野食真係所謂的高質素，低價錢。老實講，呢到個芝士焗肉醬意粉，係同區黎講，個味道算係數一數二，首先d肉醬夠味，其次係意粉拎去焗完仲係彈牙，唔會好似其它舖頭焗完已經淋到撩起已經斷，然後最重要係d芝士，夠香口，而且好明顯用既唔係平價貨，d芝士一拉，可以有10幾cm(當然你要趁熱就拉先有咁長)，每一次係果個食個芝士焗肉醬意粉都係享受。而且一個芝士焗肉醬意粉加杯野飲都唔洗50蚊，有時遇到舖頭既是日午餐，可能會有芝士焗肉醬意粉，會加埋餐湯，都50蚊有找。對比起某間食意粉既連鎖餐廳既肉醬意粉，５０既價錢超值並且更好味。另外，我都試過佢地個蒜蓉包，15蚊3件，貴就唔係好貴，但真係好好好好食，要俾十個讚佢^_^而黎到意蠔屋點可以唔食蠔，不過我只係試過芝士焗生蠔，d芝士好味就唔多講，但d蠔大大隻，又重味，d芝士都有少少蠔味呢，正到爆不過間舖就真係細左d，黎親幾次都好多人，要等下位，不過為左好野食，等下都無所謂。
另外，我都試過佢地個蒜蓉包，15蚊3件，貴就唔係好貴，但真係好好好好食，要俾十個讚佢^_^
而黎到意蠔屋點可以唔食蠔，不過我只係試過芝士焗生蠔，d芝士好味就唔多講，但d蠔大大隻，又重味，d芝士都有少少蠔味呢，正到爆
不過間舖就真係細左d，黎親幾次都好多人，要等下位，不過為左好野食，等下都無所謂。
張貼