影片
更多
2018-06-27
743 瀏覽
呢間元朗冰室分店位處於太子同深水埗之間，所以人流比平常少，連舖頭招牌都係得一塊好hea既大banner，但呢度絕對係一處傾計食飯既好地方。魚湯時蔬，食完辣辣口水雞同炸乳鴿後飲啖魚湯，果浸食完炸野辣野既熱氣感覺當堂消失哂，湯料有莞茜香芹菜心菇類，絕對係誠意之選。$42 (加$5白飯一碗，加$9凍飲一杯)。口水雞例牌，晚餐$44今時今日真係碟頭飯都埋唔到單，但呢碟例牌足足有12舊雞，脾胸背全齊，食落相當足料惹味，(本人係好辣但唔食得辣既民族，即係一路食一路鬼殺咁嘈話辣但又係咁食果款。)都係$5白飯$9凍飲 兩個人百鬆D三餸兩飯無加一坐足兩小時又好招呼，今時今日呢D質素都唔知去邊度搵。炸乳鴿，$36當然唔會食到90年代龍華啖啖肉既質素啦，但皮脆肉嫰呢D基本野就絕對無過譽，如果無揸車既話，餸啤酒簡直係不二之選。P.S. 仲想推介呢度既厚切豬扒飯(好似$58連飲品)，上次食過唔記得影相，真係好厚切，真係好豬扒，一哥快樂果D真係可以行埋一便!
魚湯時蔬
$42
40 瀏覽
0 讚好
0 留言
魚湯時蔬，食完辣辣口水雞同炸乳鴿後飲啖魚湯，果浸食完炸野辣野既熱氣感覺當堂消失哂，湯料有莞茜香芹菜心菇類，絕對係誠意之選。$42 (加$5白飯一碗，加$9凍飲一杯)。
口水雞例牌
$44
34 瀏覽
1 讚好
0 留言
口水雞例牌，晚餐$44今時今日真係碟頭飯都埋唔到單，但呢碟例牌足足有12舊雞，脾胸背全齊，食落相當足料惹味，(本人係好辣但唔食得辣既民族，即係一路食一路鬼殺咁嘈話辣但又係咁食果款。)
都係$5白飯$9凍飲
兩個人百鬆D三餸兩飯無加一坐足兩小時又好招呼，今時今日呢D質素都唔知去邊度搵。
炸乳鴿
$36
64 瀏覽
1 讚好
0 留言
炸乳鴿，$36當然唔會食到90年代龍華啖啖肉既質素啦，但皮脆肉嫰呢D基本野就絕對無過譽，如果無揸車既話，餸啤酒簡直係不二之選。
P.S. 仲想推介呢度既厚切豬扒飯(好似$58連飲品)，上次食過唔記得影相，真係好厚切，真係好豬扒，一哥快樂果D真係可以行埋一便!
張貼
